शुक्रबारदेखि चलचित्र ‘जात्रै जात्रा’ र ‘वीर विक्रम–२’ प्रदर्शनमा आएका छन् । दुवै चलचित्र सिक्वेलका रूपमा निर्माण भएका हुन् ।
प्रदीप भट्टराई निर्देशित ‘जात्रै जात्रा’ ‘जात्रा’ को सिक्वेल हो । यसले बक्स अफिसमा उत्कृष्ट व्यापार गरेको थियो ।
‘जात्रा’मा भेटिएको पैसा पुलिसलाई बुझाउँदा ३ करोडमा २ करोड ८० लाख रुपैयाँ नक्कली फेला परे पछि उक्त जिज्ञासा मेटाउन सिक्वेल बनेको हो ।
जात्रै जात्रामा विपिन कार्की, रवीन्द्रसिंह बानियाँ, रवीन्द्र झा, वर्षा राउत र दयाहाङ राईको मुख्य भूमिका छ ।
मिलन चाम्से निर्देशित ‘वीर विक्रम–२’ ‘वीर विक्रम’ को सिक्वेल हो, यसमा पल शाह, निरज हुसेन, वर्षा शिवाकोटी र बुद्धि तामाङलगायत कलाकारको अभिनय छ ।
‘वीर विक्रम’मा दयाहाङ राई, दिया पुन, अनुपविक्रम शाही र अपर्ण थापाको अभिनय थिए । यसपटक भने नाजिर हुसेन मात्रै दोहोरिएका छन् ।
प्रतिक्रिया