काठमाडौँ – स्वाभिमान लघुवित्त वित्तीय संस्थाको आईपिओ आइतबार (आज) शेयर बिक्री प्रबन्धक सिद्धार्थ क्यापिटलको कार्यालयमा बाँडफाँड हुँदैछ । उच्च मागका काराण लघुवित्तको आईपिओ ५ प्रतिशत आवेदकले मात्र पाउने भएका छन् ।

शेयर बिक्री प्रबन्धक सिद्धार्थ क्यापिटलका अनुसार स्वाभिमान लघुवित्तको आईपिओमा ३ लाख २७ हजार ४४७ आवेदकबाट ६० लाख ६१ हजार ७७० कित्ता अर्थात ६० करोड ६१ लाख ७७ हजार रुपैयाँ बराबरको आवेदन परेको छ।

धितोपत्र निष्काशन तथा बाँडफाँड निर्देशिका बमोजिम बाँडफाँड गर्दा लघुवित्तको आईपिओ १८ हजार ५५९ जनाले गोलाप्रथाबाट प्राप्त गर्नेछन् । यो कुल आवेदकको ५.।६६ प्रतिशत मात्र हो ।

बाँकी ९४.३४ प्रतिशत आवेदकले भने शेयर प्राप्त गर्न नसक्ने देखिन्छ । स्वाभिमान लघुवित्तले जारी पूँजीको ३२.११ प्रतिशत बराबरको एक लाख ९८ हजार ६१० कित्ता शेयर निष्काशन गरेको हो। कूल निष्काशित सर्वसाधारण शेयरमध्ये कर्मचारीलाई र सामुहिक लगानी कोषहरुका लागि छुट्टाएर बाँकी एक लाख ८५ हजार ५८७ कित्ता शेयरमा सर्वसाधारणको लागि निष्काशन गरिएको थियो।