काठमाडौं–साताको पहिलो दिन आइतबार सेयर बजारमा गिरावट आउँदा कारोबार रकम पनि ओरालो लागेको छ ।
आइतबार नेप्से परिसुचकमा १२.५१ अंकले गिरावट आउँदा करोबार रकममा पनि गिरावट आएको हो । आज ३६ करोड १६ लाख रुपैयाँको कारोबार भएको छ । आज १६० कम्पनी कारोबारमा आएका थिए । फाइनान्स बाहेक सबै समुहमा ओरालो लागेको छ ।
सबैभन्दा बढी बिमा समुह ६८.३२ प्रतिशतले घटेको छ भने होटल समुह ३१.०७ अंकले घटेको छ । जलविद्युत तर्फ १९.८१ अंकले गिरावट आउँदा विकास बैंक तर्फ १३.४३ अंकले गिरावट आएको छ ।
फाइनान्स कम्पनीमा भने ०.०६ अंकको झिनो बृद्धि देखिएको छ । नेप्से परिसुचक घट्दा पनि नेपाल बैंकको सेयरमा लगानीकर्ता अकर्षित देखिएका छन् । नेपाल बैंकको सबैभन्दा बढी २ करोड ३ लाख रुपैयाँको कारोबार भएको छ । दोसा्रेमा बुटवल पावर कम्पनीको १ करोड ८९ लाख ४० हजार रुपैयाँको कारोबार भएको छ ।
प्रतिक्रिया