मुम्बई, १७ असार–भारतको महाराष्ट्रस्थित धुले जिल्लामा बच्चा चोर्न खोजिएको भन्दै स्थानीय आक्रमणमा उत्रिएका छन् ।
बच्चा चोरीको आशंकामा आक्रमणमा उत्रिएका स्थानीयले ५ जनाको कुटीकुटी हत्या गरेका छन् । स्थानीय प्रहरीका अनुसार मारिने युवाहरु आइतबार दिउँसो मात्रै बसमार्फत पुगेका थिए । यो इलाकामा उनीहरु नयाँ रहेको र यो इलाकाका बारेमा उनीहरुले एक बच्चासँग जानकारी दिइरहेका थिए । त्यसैबेला स्थानीयले उनीहरु बच्चा चोर भएको आशंका गर्दै हमला सुरु गरेका थिए ।
पछिल्लो दिनमा सो इलाकाामा बच्चा चोरको बिगबिगी रहेको अफबाह फैलिरहेको अवस्थामा यस्तो घटना हुन पुगेको भारतीय सञ्चारमाध्यमहरुले जनाएका छन् ।
प्रहरीले मृतकको सनाखत गर्ने कार्य भइरहनुका साथै घटनामा संलग्न रहेको आशकामा १० स्थानीयलाई नियन्त्रणमा लिएर अनुसन्धान सुरु भएको जनाएको छ ।
प्रतिक्रिया