वैज्ञानिकले बनाए यस्तो अचम्मको प्रविधि जसले कपडाबाट मोवाइल र ट्याब्लेट चार्ज गर्न सकिने

कात्तिक २, २०७६ | आजको अर्थ
ajaako_artha


 अहिलेको समयमा स्मार्टफोनको प्रयोग प्राय सबैजनाले गर्ने गर्दछन् । स्मार्टफोनको प्रयोग गर्दागर्दै ब्याट्री सकिएको हामि थाहा पाउदैनौ ।

यो समस्याबाट हामी सबैजसो पीडित छौं। ब्याट्री सकिएर पटक–पटक चार्जर जोड्नुपर्ने समस्याले दुख हुने गरेको झन् घर वा कार्यालयबाहिर हुँदा चार्ज गर्ने विद्युत सर्किटको अभावमा ब्याट्री सकिएको फोन त्यत्तिकै राख्नुपर्ने समस्याले सताउने गर्दा छ ।

तर अब यो झन्झटबाट छुटकारा दिलाउनका लागि वैज्ञानिकले कपडाबाट मोवाइल फोन र ट्याब्लेट चार्ज गर्न सकिने प्रविधिको विकास गरेका छन् ।

बेलायतको नटिंघम ट्रसेन्ट युनिभर्सिटीका वैज्ञानिकले यस्तो सोलार प्यानल बनाएका छन् जसलाई कपडाको खल्तीमा जडान गरिन्छ । मोवाइलको ब्याट्री सकियो भने त्यो मोवाइललाई खल्तीमा राख्दा त्यो कपडामा जडान गरिएको सोलार प्यानलबाट चार्ज हुनेछ । यो प्यानललाई चार्जिङ डक नाम दिइएको छ । अनुसन्धानकर्ताका अनुसार एउटा फोन चार्ज गर्नको लागि २ हजार प्यानलको आवश्यकता हुन्छ । पूरै प्यानलको आकार ३ मिलिमिटर लामो र १.५ मिलिमिटर चौडाइको छ ।

अनुसन्धानकर्ताका अनुसार सोलार प्यानलको यो प्रविधिले कार्बन उत्सर्जन कम गर्न सकिनेछ र यसले कपडाको खल्तीमा पावर बैंकलेजस्तै काम गर्नेछ । यसको लागि कुनै तार व ासकेटको आवश्यकता हुनेछैन र चार्जिङको क्रममा मानिसलाई कुनै किसिमको महसुस हुने छैन । खल्तीमा जडान गरिने चिपलाई रेजिनले ढाकिएको छ जसका कारण कपडा धुँदा पनि त्यसलाई पानीले असर पार्ने छैन । कपडाले आम कपडाले जस्तै महसुस गराउनेछन् । खल्तीमा जडान गरिएका २ हजार सोलार सेल कुनै पनि फोन चार्ज गर्न पर्याप्त हुनेछन् ।

शोधकर्ता टिमका प्रमुख तिलक डियासका अनुसार इलेक्ट्रिक पावरको लागि इ–टेक्सटाइल एक आवश्यकता हो जसमा कहिल्यै काम गरिएको छैन । तर यो प्रविधिले मानिसहरुलाई स्मार्ट टेक्सटाइल अर्थात हाइटेक कपडा लगाउन प्रेरित गर्नेछ । वायरलेस चार्जिङको यो अवधारणा क्रोएसियाका वैज्ञानिक निकोला टेस्लाले १९ औं शताब्दीमा पेश गरेका थिए । उनको अवधारणा अनुसार इलेक्ट्रोम्याग्नेटिक फिल्डको उपस्थितिमा दुई चीजको बीचमा उर्जा स्थानान्तरण गर्न सकिन्छ । यही अवधारणामा आधारित रहेर अहिलेको प्रविधि विकसित गरिएको हो ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८