बलिउड स्टार किड्सः को कति धनी ?

कात्तिक २०, २०७६ | आजको अर्थ
ajaako_artha

संसारको ध्यान तान्न सक्ने ताकत छ, बलिउडसँग । विश्वको ५० प्रतिशत मनोरन्जन बजार ओगटेको यो दोस्रो ठुलो चलचित्र उद्योग समेत हो । यहाँ संसारका सर्वाधिक धनाढ्यहरु छन् । दैनिक करोडसम्म आम्दानी गर्नेहरु पनि छन् । अर्बभन्दा बढि कमाएर सरकारलाई करोडौं कर बुझाउने पनि यहि उद्योगमा छन् । यिनै स्टारहरुका सन्तानहरुमध्ये सबैभन्दा धनी को छन्? धेरैलाई सुन्दा पनि अचम्म लाग्छ । तर, बुझ्नुपर्ने कुरा के हो भने स्टारको कुल सम्पत्ती भनेकै उनीहरुका सन्तानहरुको हक हुन्छ ।

आर्यन, सुहाना र अब्राम खान बलिउड सुपरस्टार शाहरुख खान र गौरी खानका सन्तान हुन् । आर्यलाई उनका बुबा शाहरुखले दिएको औडी ए ६ कार छ । यसको बजार मुल्य अहिले ६० लाख  भारु पर्छ । त्यस्तै यि सन्तानहरुको खातामा करोडौं रकम फिक्स डिपोजिट छ । ४ हजार २ सय ४० करोड भारु सम्पत्ती रहेको परिवारका यि छोराछोरी सवैभन्दा धेरै धनाढ्य स्टार किड्स हुन् ।

इरा र जुनाइड आमिर खान र रिना दत्तका सन्तान हुन् । आजाद भने आमिर र किरणका सन्तान हुन् । १ हजार २ सय ७० करोड भारु सम्पत्तीका बा–आमाका यि छोराछोरीलाई आमिरले सबै सम्पत्ती तिमिहरुकै हो भन्ने गरेका छन् । त्यसबाहेक आमिर, किरणसँगै सबै सन्तानका लक्जरियस कार छन् । १ हजार २ सय ७० करोडसहित दोस्रो सर्वाधिक धनाढ्य स्टार किड्समा आमिरका सन्तान पर्छन् ।

सारा र इब्राहिम शैफअली खान र अमृता सिंहका सन्तान हुन् । तैमुर शैफ र करिनाका एक्ला सन्तान हुन् । शैफअलीले कान्छा छोरा  तैमुरलाई केहि समयअघि जिप एसआरटी कार गिफ्ट दिएका थिए । यो गाडीको रकम अहिले बजारमा १ करोड ३० लाख भारु पर्छ । त्यस्तै उनको वैंक खातामा करोडौं रकम रहेको बताइन्छ । यस्तै, सारा र इब्राहिमको बैंक खातामा रहेको रकमबाहेक विभिन्न किसिमका लक्जरियस गाडी समेत छन् । उनीहरुको सम्पत्ती १ हजार १ सय करोड बराबरको छ ।

आरभ कुमार र नितरा कुमार अक्षयकुमार र ट्विकल खन्नाका सन्तान हुन् । १ हजार ६० करोड भारु सम्पत्तीका मालिकका छोराछोरी आरक र नितरा बलिउडका सर्वाधिक धनि स्टार किड्सको सुचीमै पर्छन् ।

ऐश्वर्या राई र अमिषेक बच्चनका एक मात्र छोरी हुन्, आरध्या बच्चन । केहि समयअघि अमिताभले आफ्नो नातिनीलाई मिनी कोपर नामक कार गिफ्ट दिएका थिए । जुन कारको मुल्य हाल २५ लाख भारु पर्छ । अभिषेक र ऐश्वर्याको कुल सम्पत्ती मात्रै ४ सय ५० करोडको छ । उनीहरु अमिताभसँग नछुट्टिएकाले अरु धेरै करोडकी भएकी स्टार किड्स हुन सक्छिन् आरध्या ।

न्यासा देवगन र युग देवगन चर्चित अभिनेत्री काजल र अजय देवगनका सन्तान हुन् । यो परिवारको सम्पत्ती ३ सय ५० करोड भारु बराबरको छ । हिरेन रोशन र हिरधन रोशन ऋतिक रोशन र सुजैन खानका छोराहरु हुन् । उनीहरु २ सय ५० करोड भारुका स्टार किड्स हुन् ।

सन्जय दत्त र ऋचा शर्माबाट तिर्सला दत्त जन्मिइन् भने इक्रा र शाहरन दत्त हालकी श्रीमती मान्यतापट्टिबाट जन्मिएका सन्तान हुन् । १ सय ५० करोड सम्पत्तीका दत्त परिवारका यि सन्तान बलिउडका धनाढ्य स्टार किड्समा गनिन्छन् ।

यस्तै, मिसा कपुर र जैन कपुर शहिद कपुर र मिरा राजपुतबाट जन्मिएका सन्तान हुन् । उनीहरु १ सय ९० करोड सम्पत्तीका स्टार किड्स हुन् ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar११४.८६११५.४६
European Euro१२६.२५१२६.९१
UK Pound Sterling१४७.५११४८.२९
Swiss Franc११६.१४११६.७५
Australian Dollar७७.९२७८.३२
Canadian Dollar८६.५९८७.०४
Singapore Dollar८४.२५८४.६९