डुब्ने नै भयो हिमालयन बैंकको २० करोड, कसरी भयो यस्तो ?

कात्तिक २१, २०७६ | आजको अर्थ
ajaako_artha

काठमाडौं – नेपालको बैंकिङ क्षेत्रमा पछिल्लो पटक एउटा सन्त्राष फैलिएको छ । कारण हो, हमिालयन बैंकको रु २० करोड रकम करिब करिब डुब्ने अवस्थामा पुगेको छ ।  विप्रेषण कारोबारमा विवादमा परेपछि त्यस्तो समस्या देखा परेको हो ।

हिमालयन बैंक र मलेसियाको म्याक्स मनिबीच विवाद सल्टिएपनि २० करोड रकम भने नआउने भएको हो ।  विवादमा परेको ४९ लाख अमेरिकी डलर (करिव रु ५४ करोड )मध्ये म्याक्स मनिले हिमालयन बैंकलाई ३१ लाख अमेरिकी डलर (करिव साढे रु ३४ करोड ) भुक्तानी दिने समझदारी भएको छ ।

मलेसियामा भएको समझदारीमा बैंकका तर्फबाट अशोक राणाले र म्यास मनिको तर्फबाट हमिदविन अब्दुलाहाले हस्ताक्षर गरेका छन् । सम्झौता कार्यक्रममा हिमालयन बैंकका महाप्रबन्धक उज्जल राजभण्डारी पनि सहभागि रहेको बैंकका एक सञ्चालकले जानकारी दिए । ।

दुई पक्षबीच अझै विवादमा रहेको १८ लाख अमेरिकी डलर (करिब रु २० करोड ) सम्बन्धमा भने स्वतन्त्र चार्टर्ड एकाउन्टेन्टबाट गराउने र त्यसको रिर्पोटका आधारमा कारोबार सेटल गर्ने समझदारी भएको म्याक्स मनिका हमिदविन अब्दुलाहाले जानकारी दिएका छन् ।

दुई संस्थाबीच व्यवसायिक कारोबार पुनः शुरु गर्ने समझदारी पनि भएको छ । एक वर्षअघि कारोबारमा विवाद भएपछि हिमालयन बैंकले म्याक्स मनिसँगको कारोबार भंग गरेको थियो । त्यतिमात्र होइन, म्याक्स मनिले हिमालयन बैंकलाई रु ५४ करोड भुक्तानी गर्नु पर्नेमा नगरेको जनाउँदै नेपाल राष्ट्र बैंकले म्याक्स मनिलाई नेपालभर कारोबार बञ्चित गरिदिएको थियो ।

विवादित रकमको ठूलो हिस्सा सेटल गर्ने र पुनः कारोबार शुचारु गर्ने समझदारीमा स्वीकृति माग गर्ने नेपाल राष्ट्र बैंकलाई पत्र लेख्ने पनि समझदारी भएको छ । दुई संस्थाबीच लेनदेनमा विवाद भएपछि उक्त विवाद केन्द्रिय बैंकसम्म पुगेको थियो । यो विवादमा राष्ट्र बैंकले हिमालयन बैंकको पक्ष लिदै हस्तक्षेपकारी भूमिका खेलेको थियो ।

राष्ट्र बैंकले मलेसियाको केन्द्रीय बैंकलाई पत्र लेखेर हिमालयन बैंकले पाउनु पर्ने भुक्तानी दिलाईदिन आग्रह गरेको थियो । त्यस्तै, मलेसियाको केन्द्रीय बैंकले पनि म्याक्स मनिलाई विवादित रकम ‘बैंक नागरा मलेसिया’ मा जम्मा गर्न निर्देशन दिएको थियो ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar११४.८६११५.४६
European Euro१२६.२५१२६.९१
UK Pound Sterling१४७.५११४८.२९
Swiss Franc११६.१४११६.७५
Australian Dollar७७.९२७८.३२
Canadian Dollar८६.५९८७.०४
Singapore Dollar८४.२५८४.६९