सेफ्स एशोसियसन अफ नेपालको अध्यक्षमा लामा

कात्तिक २३, २०७६ | आजको अर्थ
ajaako_artha

नेपालको मौलिक खानालाई राष्ट्रिय तथा अन्तरराष्ट्रियस्तरमा चिनाउँदै मुलुकको पर्यटन प्रवद्र्धनमा महत्वपूर्ण भूमिका खेल्दै आएको सेफ्स एशोसियसन अफ नेपालको अध्यक्षमा खड्गविक्रम लामा निर्वाचित भएका छन्।

एशोसियसनको २५औँ साधारणसभाबाट आगामी दुई वर्षका लागि लामाको अध्यक्षतामा शुक्रबार साँझ १५ सदस्यीय कार्यसमिति निर्विरोध निर्वाचित गरिएको हो । एशोसियसनको प्रथम उपाध्यक्षमा ठाकुरप्रसाद पौडेल, उपाध्यक्षमा शिवहरि घिमिरे, महासचिवमा पदमबहादुर आलेमगर, सचिवमा श्रीकृष्ण गजुरेल, कोषाध्यक्षमा श्यामबहादुर तामाङ चयन भएका छन् ।

यस्तै सदस्यमा रेशमकुमार लामा, सुनिल लामा, गङ्गाबहादुर खत्री, सुवर्णमान कर्माचार्य, दीपक ढुङ्गाना, हेमराज पौडेल, रामचन्द्र धरेल, राजकुमार लामा र रामकृष्ण थापा चयन भएका हुन् । नवनिर्वाचित अध्यक्ष लामाले नेपाल भ्रमण वर्ष–२०२० लाई सफल बनाउन र नेपाली मौलिक खानालाई विश्व बजारसम्म लैजानका लागि एशोसियसनले काम गर्ने बताए ।

एशोसियसनले नेपालका २६ प्रकारका खानालाई विश्वमा चिनाउन लागिपरेको उनको भनाइ छ । सन् २०२० मा २० लाख पर्यटक भित्र्याउन सरकारले राखेको लक्ष्य पूरा गर्न एशोसियसनले टर्की, अष्ट्रेलिया, भारत, जापान, चीनलगायतका मुलुकमा नेपाली खानाको प्रचार गर्न लागेको छ । नेपाल घुम्न आउने विदेशीले विदेशी खाना आफ्नै देशमा खाने हुँदा नेपाली खानालाई प्रोत्साहन गर्न सक्नुपर्छ, यसका लागि सेफ्स एशोसियन लाग्नेछ, उनले भन्ने ।

सन् १९९६ मा स्थापना भएको एशोसियसनमा हाल दुई हजारभन्दा बढी सदस्य छन् । सोमा पाँचतारे होटलदेखि सामान्य होटलमा काम गर्ने सेफ आबद्ध छन् । एशोसियसनले विदेशी खाना बनाउने सम्बन्धमा विदेशी सेफसँग तालीम लिनुका साथै नेपाली सेफ हुन चाहने व्यक्तिलाई तालीम प्रदान गर्दै आइरहेको एशोसियसनका सदस्य रेशमकुमार लामाले जानकारी दिए ।     
 
 

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar११४.०४११४.६४
European Euro१२५.७११२६.३७
UK Pound Sterling१४६.३३१४७.१०
Swiss Franc११४.६०११५.२०
Australian Dollar७७.९८७८.३९
Canadian Dollar८६.०६८६.५१
Singapore Dollar८३.७६८४.२०