१४ मेगावाटको ईर्खुवामा माछापुच्छे बैंकको अगुवाईमा १ अर्ब ७३ करोड लगानी

पुस २९, २०७६ | आजको अर्थ
ajaako_artha

तल्लो ईर्खुवा खोला जलविद्युत आयोजना बनाउन  माछापुच्छ्रे बैंकको अगुवाइमा रु  १ अर्ब ७३ करोड ऋण लिने प्रस्ताव पारित भएको छ ।

विकासकर्ता लोअर ईर्खुवा जलविद्युत कम्पनी लिमिटेडको राजधानीमा सम्पन्न प्रथम बार्षिक साधारण सभाले ऋण लिने प्रस्तावलाई पारित गरेको हो । बैंक र विकासकर्ताबीच ऋण लगानी गर्ने विषयमा सहमति भइसकेको छ ।

आयोजनाको जडित क्षमता १४ मेगावाट छ ।  बैंकहरूले कूल लागतको ७० प्रतिशत ऋण लगानी गर्न लागेको कम्पनीका अध्यक्ष कुमार पाण्डेले बताए । 

आयोजनामा ३० प्रतिशत स्वपुँजी लगानी छ । स्वपुँजीको दुई तिहाई नेसनल हाइड्रो पावर कम्पनी लिमिटेडले गरेको छ ।

आयोजना सम्पन्न गर्न रु २ अर्ब २५ करोड लागत अनुमान गरिएको छ ।  आयोजनाको मुख्य सुरुङ निर्माणको काम अघि बढेको छ ।  मुख्य सुरुङ करिब २०० मिटर खनिएको छ ।  

२०७९ साउनदेखि विद्युत उत्पादन गर्ने लक्ष्य कम्पनीको छ । उत्पादन हुने विद्युत निर्माणाधीन २२० केभी कोसी कोरिडोर प्रसारण लाइनको संखुवासभास्थित तुम्लिङटार सबस्टेसनमा जोडिनेछ ।

आयोजनाले वार्षिक ८ करोड युनिट विद्युत उत्पादन गर्नेछ ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar११३.७३११४.३३
European Euro१२६.१७१२६.८४
UK Pound Sterling१४९.२७१५०.०६
Swiss Franc११७.४३११८.०४
Australian Dollar७८.११७८.५२
Canadian Dollar८६.४३८६.८९
Singapore Dollar८४.२९८४.७३