माछापुच्छ्रे बैकले  क्रेडिट सुविधा अन्तर्गत बैंकबाट कर्जा लिने ग्राहकहरुको लागी नयाँ ब्याजदर  सार्वजनिक गरेको छ।

बैंकले एक सूचना जारी गर्दै आजबाट लागु हुने गरी नयाँ ब्याजदरको घोषणा गरेको हो ।

कार्यगत पूंजी कर्जा भित्र पर्ने ओभरड्राफ्ट, डिमान्ड लान, ट्रष्ट रिसिप्ट लगायतका कर्जामा ६ प्रतिशत प्रिमियम रेटमा बेस रेट जोडेर १७.२६ प्रतिशत प्रतिशत ब्याज दर तोकेको छ ।

त्यस्तै बैंकले म्यादी लोन (ट्रम लोन) अन्तर्गत पर्ने कर्पोरेट, पूर्वाधार, एमएसबी, एसएमइ लगायतका कर्जामा पनि ६ प्रतिशत प्रिमियम रेटमा बेस रेट जोडेर १७.२६ प्रतिशत ब्याज दर तोकेको छ ।

त्यस्तै बैंकले उपभोक्ता कर्जा अन्तर्गत घर कर्जा, सवारी कर्जा, व्यावसायीक सवारी कर्जा, तलब प्याकेज कर्जा लगायतका कर्जा वितरणमा पनि ६ प्रतिशत प्रिमियम रेटमा बेस रेट जोडेर १७.२६ प्रतिशत ब्याज दर तोकेको छ ।

उता, बैंकले उपभोक्ता कर्जा अन्तर्गतनै पर्ने फिक्स्ड डिपोजिट रसीप्टको बिरूद्ध दिइने लोनमा १ प्रतिशत प्रिमियम रेटमा बेस रेट जोडेर ११.२६ ब्याज दर तोकेको छ ।
 
त्यस्तै, सरकारी सुरक्षा बिरूद्ध दिइने कर्जामा पनि १ प्रतिशत प्रिमियम रेटमा बेस रेट जोडेर ११.२६ ब्याज दर तोकेको छ ।