हैरान पार्ने कोटेश्वरको जाम यसरी अन्त्य हुँदै छ

सडक चाैडा पार्नेदेखि अण्डरपास वा फ्लाईओभर बनाउने सम्म याेजना
माघ १०, २०७६ | आजको अर्थ
ajaako_artha

सवारी चालक र यात्रुलाई हैरान पार्ने कोटेश्वरको सवारी जाम कम गर्न सरकारले नयाँ योजना ल्याएको छ । 

भक्तपुरतर्फबाट काठमाडौं आउजाउ गर्ने प्रमुख नाका कोटेश्वरमा बढ्दो सवारी जाम कम गर्न तत्कालका लागि सडक विस्तार गर्ने र दिर्घकालमा अण्डरपास वा फ्लाईओभर बनाउने तयारी थालिएको हो । 

तत्कालको समस्या समाधानको उपायका रुपमा सडक चौडा पार्ने काम गरिने सडक विभागले जनाएको छ । 

तत्काल समस्या समाधानको योजना अन्तर्गत आगामी आर्थिक वर्षभित्र डेडिकेटेड लेन बनाउने योजना रहेको सडक विभागले जनाएको छ । 
त्यसका लागि त्रिभुवन विमानस्थलतर्फ एक लेन र अर्कोतर्फ तीन लेन विस्तार हुने छ । 

सडक विस्तार गर्नका लागि जग्गा अधिग्रहण गर्न अघिल्लो साता मन्त्रीपरिषदले स्वीकृति दिएसँगै अधिग्रहणको काम अगाडी बढेको छ। 

तत्काल सडक विस्तार गर्दा तिनकुनेबाट कोटेश्वर हुँदै पेप्सीकोला जाने र भक्तपुरबाट कोटेश्वर हुँदै सातदोबाटो जाने सवारीसाधन रोकिनु नपर्ने विभागले जनाएको छ । 

त्यसैगरि सरकारले दिर्घकालिन समस्या समाधान गर्दा तीनवटा विकल्प अघि सारेको छ । जसमा तिनकुनेबाट भक्तपुरतिर जान र बालकुमारीतिर जान सडकमुनि दुईवटा १ हजार १ सय ४० मिटर लम्वाईको सुरुङ्गमार्ग निर्माण, तिनकुनेबाट बालकुमारीतिर जाने सडक (रिङरोडमा) १ हजार ३ सय २० मिटरको फ्लाइओभर र भक्तपुरतिर जाने सडकमा आउन र जान १ हजार ८ सय ६० मिटर लामो दुईवटा सुरुङमार्ग निर्माण गर्ने छन् । 

सरकारको आग्रहमा जापान सहयोग नियोग (जाइका)को सहयोगमा यी योनजाको प्रारम्भिक अध्ययन भइसकेको छ । 

यसमध्ये कुन योजना अगाडी बढाउने भन्ने विषयमा भने निर्णय भइसकेको छैन । तर जापानी र नेपाली टोलीको संयुक्त बैठक बसेर निर्णय गर्दै अघि बढाउने योजना रहेको सडक विभागले जनाएको छ । 
पहिलो योजना अन्तर्गत बानेश्वरबाट दुईतर्फ सुरुङ्ग बनाउन करिब २४ अर्ब रूपैयाँ लाग्ने जनाईएको छ । 

दोश्रो फ्लाईओभर निर्माणका लागि करिब ९ अर्ब ९० करोड रूपैयाँ र तेश्रो विकल्पको रुपमा रहेको भक्तपुरबाट बानेश्वर र बालकुमारीतिर जान सुरुङमार्ग निर्माणको लागि पनि २४ अर्ब ६ करोड लाग्ने अनुमान छ। 

यी मध्ये कुन योजना उपयुक्त हुन्छ भन्ने विषयमा नेपालले धारणा बनाउने र मार्चमा जापानी टोली काठमाडौं आएपछि  कोटेश्वरको विस्तृत संभाव्यता अध्ययन गर्ने सहमति हुने जनाइएको छ ।

सोही छलफलको क्रममा जापानकै ऋण सहयोगमा एउटा विकल्प छानेर निर्माण प्रकृया अगाडि बढाइने सरकारी अधिकारीहरुले बताएका छन् । 

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar११४.३८११४.९८
European Euro१२३.५२१२४.१७
UK Pound Sterling१४७.७४१४८.५१
Swiss Franc११६.४३११७.०४
Australian Dollar७५.४४७५.८४
Canadian Dollar८६.२३८६.६८
Singapore Dollar८१.६५८२.०८