भ्रष्टाचारको पोल खोल्नेलाई साइबरक्राईम मुद्धा

फागुन ११, २०७६ | आजको अर्थ
ajaako_artha

जर्मन कम्पनीसँग सेक्युरिटी प्रिन्टिङ प्रेस खरिदमा संसदको लेखा समितिका सदस्यहरुको मिलेमतो भएको पोल खोल्ने व्यक्तिलाई साइबरक्राईमको मुद्धा लगाइएको छ । 

गत बिहीबार लेखा समितिले करिब ४० अर्ब रुपैयाँमा जर्मन कम्पनीलाई ठेक्काका लागि स्विकृति दिन लागेको कुरा सार्वजनिक गर्ने विजय प्रकाश मिश्रविरुद्ध आइतबार साइबर क्राइमको उजुरी दर्ता गरेको हो ।

मिश्रले स्वीस कम्पनीले बिल्डिङसहित करिब २८ अर्बमा स्थापना गर्ने भनेको सेक्युरिटी प्रेस जर्मन कम्पनीबाट करिब ४० अर्बमा स्थापना गरि ४ अर्ब ८० करोड रकम कमिशन खान खोजेको कुरा सार्वजनिक गरेका थिए । 

उनले निवर्तमान सञ्चारमन्त्री गोकुल बास्कोटाले कमिसनको लागि बार्गेनिङ्ग गरेको अडियो समेत सार्वजनिक गरिदिएका थिए । आफूले अडियो सार्वजनिक नगरेको भए लेखा समितिका केही सदस्यको मिलेमतोमा सरकारलाई प्रेस खरिदका लागि अनुमति दिने मिश्रको दावी थियो । 

मिश्रले सोही कुराको पोल खोलेपछि रुष्ट बनेको लेखा समितिको बैठकले ३ दिन अघि नै प्रहरीको साइबर क्राइम ब्यूरोको नाममा छानविन गरेर कारवाहीका लागि पत्राचार गरेको थियो ।

तर प्रहरीको त्यस किसिमको छुट्टै ब्यूरो नभएका कारण प्रहरी मुख्यालयमा आइतबार अर्को उजुरी दर्ता गरिएको हो । प्रहरी मुख्यालयमा रहेको साइबर अपराध हेर्ने शाखामा उजुरी दर्ता गरेको पाण्डेले बताए । मिश्रले उक्त अडियो बाहिर ल्याएर भ्रष्टाचार हुनबाट रोक्न खोजेको बताएका थिए । 

अडियो सार्वजनिक गरेपछि मन्त्री बास्कोटाले राजीनामा दिएका छन् । 

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२१.९०१२२.५०
European Euro१३२.५९१३३.२४
UK Pound Sterling१५०.७२१५१.४६
Swiss Franc१२५.५३१२६.१५
Australian Dollar७५.३६७५.७३
Canadian Dollar८७.०६८७.४९
Singapore Dollar८५.४३८५.८५