चालक लाइसेन्स परिक्षा दशै‌पछिमात्र, लाइसेन्स वितरण समेत बन्द

साउन १, २०७७ | आजको अर्थ
ajaako_artha

सरकारले सवारी चालक लाइसेन्सको परिक्षा दँशैपछि मात्र सञ्चालन गर्ने भएको छ । 

कोरोना भाइरस (कोभिड १९) का कारण उत्पन्न असहज परिस्थितीका कारण तत्काल लाइसेन्सको ट्रायल खोल्न नसकिने  यातायात व्यवस्था विभागले जनाएको छ । 

विभागका महानिर्देशक गोगनबहादुर हमालका अनुसार यातायात कार्यालय यतिबेला सवारी दर्ता र नवीकरण लगायतका अरु नै कामले व्यस्त हुँदा पनि ट्रायल खोल्न सक्ने अवस्था नभएको हो। 

यातायात  कार्यालयहरु सीमित संख्रयामा हुनु र त्यसमा पनि कर्मचारी पर्याप्त नहुँदा सेवाग्राहीको लामो लाइन लाग्ने गरेको छ।

सेवाग्राहीले घण्टौं सम्मको लाइन बस्नुपर्ने बाध्यता छ। उपत्यकाका ठूलो भर्‍याङ,सुकेधारा, जगाति र एकान्तकुनामा लगायतमा लकडाउन खुकुलो भएदेखि थामिनसक्नु भीड हुने गरेको छ। 

लाइसेन्सको प्रक्रिया नियमित हुँदा देशभरिमा दैनिक ६र७ हजार जनाले ट्रायल दिने गरेका थिए। दैनिक ट्रायल पास र नवीकरण गरि लाइसेन्सको माग दैनिक ५ हजार हाराहारी छ। कोरोना फैलनबाट रोक्न लकडाउन गरिएका कारण करिब चार महिनादेखि लाइसेन्सको लिखित र प्रयोगात्मक दुवै परीक्षा लिने काम रोकिएको छ।

यातायात कार्यालयहरुले लाइसेन्स वितरण समेत बन्द गर्न थालेका छन्। साना तथा ठूला सवारी कार्यालय एकान्तकुनाले सूचना नै निकालेर लाइसेन्स वितरण बन्द गरेको छ। अधिकांश कार्यालयहरुले वितरण बन्द गर्न थालेको हमालले बताए।

सेवाग्राहीको भीड लाग्ने गरेका कारण कोरोना संक्रमण बढ्न सक्ने खतरालाई मध्यनजर गरेर बन्द गर्न थालिएको हो। सामाजिक दुरी कायम गराउन नसकिएपछि वितरण बन्द गर्न थालिएको हमालको भनाइ छ।


 

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८