काठमाडौं–   काठमाडौं महानगरपालिका १० स्थित बुद्धनगरचोकमा सवारी साधन जाँच गर्ने क्रममा घुसदिने बा २ ख ८१२९ नम्बरको मिनिट्रकका चालक जित बहादुर तामाङलाई बुधबार प्रहरीले पक्राउ गरेको छ ।  

चालकले मिनिट्रकको कागजपत्र नभएको भनि प्रहरीलाई नगद  १ हजार रूपैयाँ घुस दिएकोले निज तामाङलाई महानगरीय प्रहरी वृत्त बानेश्वरबाट खटिएको प्रहरी टोलीले पक्राउ गरेको  हो ।

त्यसैगरी मध्यपुर ठिमी नगरपालिका ३ गठ्ठाघर चोकमा सवारी साधन जाँच गर्ने क्रममा घुसदिने ना ५ ख ७१८१ नम्बरको ट्रक चालक मुरतुजमिया चुरियारलाई प्रहरीले बुधबार पक्राउ गरेको छ । रूट प्रमिट कागजको भित्र नगद २ सय रूपैया राखी प्रहरीलाई घुस दिएकोले निज  चुरियारलाई महानगरीय प्रहरी वृत्त ठिमीबाट खटिएको प्रहरी टोलीले पक्राउ गरेको हो । 
दुवै चालक र सवारी साधन नियन्त्रणमा लिई यस सम्बन्धमा स्थानीय प्रहरीले आवश्यक अनुसन्धान गरिरहेको छ ।