इनर्जी बैंकिङले खोल्दैछ सहज बाटो, ऊर्जा क्षेत्रमा आउँदै अर्बा लगानी

माघ २४, २०७५ | आजको अर्थ
ajaako_artha

 काठमाडौं – ठूला खालका जलविद्युत् आयोजना निर्माणमा पछिल्लो सयमा विदेशी लगानीकर्ताको चासो बढेको पाइएको छ ।

पछिल्लो पटक भारत सरकारले ऊर्जा निर्देशिकामा संशोधन गरेको र नेपालमा उत्पादित भएका विद्यु्त् भारतीय बजारमा समेत सहज रुपमा आपूर्ति हुन सक्ने अवस्थाको सिर्जना भएपछि लगानीकर्ताको चासो बढेको हो ।

तर परिवत्र्य मुद्रामा लगानी ल्याउन र लैजान पाउने व्यवस्था नहुँदासम्म विदेशी लगानी भित्रन समेत समस्या रहने देखिन्छ । तर नेपाल राष्ट्र बैंकले बुधबार मात्रै आयोजना गरेको एक कार्यक्रममा हेजिङ फण्ड निर्माणका लागि आवश्यक तयारी भइरहेको  जनाएको छ ।

निकट भविस्यमा नै हेजिङ फण्ड समेत स्थापना हुने भएकाले लगानीकर्ताले नेपालमो जलस्रोतमा मन खोलेर लगानी गर्न सक्ने अवस्था आउने देएिको छ ।

यस्तै सरकारले आगामी चैत १५ र १६ गते आयोजना गरेको लगानी सम्मेलनमा समेत ऊर्जा क्षेत्रलाई विशेष प्राथमिकतामा राखेको छ । केही महत्वपूर्ण आयोजना लगानी जुटाउने लक्ष्यका साथ काम भइरहेको र सम्मेलनमा त्यसले मूर्तता पाउने विश्वास गरिएको छ ।

पछिल्लो पटक अमेरिकाको  ग्रीन इन्भेष्टमेन्ट ग्रुपले नेपालमा ऊर्जा क्षेत्रम ालगानी गर्नका लागि चासो देखाएको छ । सो ग्रुपले ४०० मेगावाट क्षमताको तिला जलविद्युत् आयोजनामा लगानीका लागि चासो व्यक्त गरेको छ ।

यस्तै केही चिनियाँ, कोरियन, कम्पनीले पनि चासो व्यक्त गरेका छन् । चिनियाँ कम्पनीले यसअघि नै जिम्मा लिएको मस्र्याङदीका केही आयोजना  र लाङटाङ क्षेत्रको एक आयोजनामा चासो राखेको छ ।

यस्तै कतार, साउदी अरेबिया, मलेसियालगायतका  देशका लगानीकर्ताले पनि उचित आयोजनाको खोजी गर्दै चासो राख्दै आएका छन् ।

भारतले विद्युत् आदान प्रदानमा सहमति गरेको, वर्षाको समयको विद्युत् इनर्जी बैंकिङ हुने विषयमा समेत नेपाल र भारतबीच कुरा मलिेका कारण पनि पछिल्लो दिनमा लगानीकर्ताको चासो बढेको हो । इनर्जी बैंकिङ र ऊर्जा आदान प्रदानको ढाँचाका बारेमा नेपाल विद्युत् प्राधिकरणले आवश्यक परामर्श गरिरहेको छ ।

यस्तै केही समय पहिले नेपाल र भारतका ऊर्जा सचिव स्तरीय बैठकले केही नीति गत विषयमा सहमति गरेकाले प्रक्रियाका विषयमा पनि छिट्टै टुंगो लाग्ने देखिएको छ । नेपालमा उत्पादन भएको विद्युत् सहज रुपमा भारत लैजान पाउने अवस्थाले पनि लगानीको वातावरणमा सुधार आएको बताइन्छ ।

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar११३.५३११४.१३
European Euro१२६.८३१२७.५०
UK Pound Sterling१४७.२८१४८.०६
Swiss Franc११५.३५११५.९६
Australian Dollar७७.८४७८.२५
Canadian Dollar८६.४९८६.९५
Singapore Dollar८३.२१८३.६५