मधेसका बस्तीहरूमा जाडो याम सुरु भएपछि दर्दनाक दृश्य देखापर्छन् । यस्तै दृश्य केही दिन अगाडि सप्तरी लगायतका मधेसका केही जिल्लामा देखियो । चिसोबाट बच्न कुनै विकल्प नभेटेर सप्तरीमा मात्र ३० जनाभन्दा बढीको ज्यान गयो । सप्तरीको प्रहरी प्रशासनले पनि १९ जनाको कठ्याङ्ग्रिएर मृत्यु भएको पुष्टि गर्यो । मृत्यु हुनेहरूमा अधिकांश ५० वर्षभन्दा माथि उमेरका छन् । १३ हजारभन्दा बढी गरिब, अशक्त, वृद्ध, असहाय, अपाङ्ग, बालबालिका र विपन्नहरूले सरकारी तथा गैरसरकारी निकायबाट बल्याङ्केटलगायतका न्यानो कपडा पनि पाए । विपन्नहरूका लागि त्यो राहत दीर्घकालीन होइन । बर्सेनि हिउँदमा चिसोकै कारण तराईमा ज्यान गुमाउनेको लामो सूची छ । सरकार भने मूकदर्शक छ । यका लागि कुनै दीर्घकालीन योजना छैन, घटना घटेपछि राहात स्वरुप केही लत्ताकडा बाँड्ने बाहेक कुनै काम हुनेगरेको छैन ।