(Friday, 24 May, 2019)
By: आजको अर्थ
फागुन २९, २०७५

मुम्बई – भारतीय टिभी शोका चर्चित कमेडियन अली असगर कार दुर्घटनामा परेका छन् ।

हालै दुर्घटनामा परेका अलीको अवस्था अहिले एकदमै ठीक रहेको छ । उनको कार दक्षिण मुम्बईको हाईवेमा एक ट्रकसँग ठोक्किन पुगेको थियो । दुर्घटनाको समय अली आफ्नो कार आफैं चलाउदै थिए ।

कपिलको कमेडी शो कपिल शर्मा शोमा नानीको भूमिकाबाट लोक प्रिय अलीले दुर्घटनाको समाचार ट्वीट मार्फत सार्वजनिक गरेका हुन् ।

‘मेरो कारलाई एक गाडीले ठक्कर दियो । त्यसपछि कार ट्रकसँग ठोकिन पुग्यो’ अलीको ट्वीटमा अगाडि लेखेका छन् ‘दुर्घटनाको खबर पुलिसलाई समेत जानकारुी दिएको छु ।’ 

अलीले दुर्घटनामा आफू सकुशल रहेकोले इश्वरलाई समेत धन्यवाद दिएका छन् ।
कपिलको सबैभन्दा पहिलो रियालटी शो ‘कमेडी नाइट्स विद कपिल’मा अलीले दादीका भूमिकामा देखिएका थिए । उनको यो भूमिका फ्यानले रुचाएका छन् ।



तपाईको प्रतिक्रिया

यसमा तपाइको मत