विश्व अर्थतन्त्रमा संकट आउँदा पनि बढ्यो बैदेशिक लगानी, चालु खाता र शोधनान्तर स्थिती पनि बचतमा

कात्तिक ६, २०७७ | आजको अर्थ
ajaako_artha

काठमाडौं –  गत साउनमा ४ बर्षपछि बचतमा आएको मुलुकको चालु खाता भदौंमा पनि बचतमा नै रहेको छ । भदौसम्म आउँदा मुलुकको चालु खाता रु. २६ अर्ब ७ करोडले बचतमा भएको हो । 
नेपाल राष्ट्र बैंकले हालै सार्वजनिक गरेको एक प्रतिवेदनले यस्तो देखाएको हो । गत बर्षको सोही अवधीमा भने चालु खातारु.२२ अर्ब ६९ करोडले घाटामा रहेको थियो ।

अमेरिकी डलरमा अघिल्लो वर्षको सोही अवधिमा २० करोड ३ लाखले घाटामा रहेको चालु खाता समीक्षा अवधिमा २१ करोड ७६ लाखले बचतमा रहेको देखिन्छ । 

यस्तै,  समीक्षा अवधिमा पुँजीगत ट्रान्सफरमा ३३.७ प्रतिशतले कमी आई रु.१ अर्ब ९६ करोड कायम भएको छ । तर,  खुद प्रत्यक्ष वैदेशिक लगानी २३.३ प्रतिशतले वृद्धि भई रु .२ अर्ब ४४ करोड पुगेको छ । गत वर्षको सोही अवधिमा पुँजीगत ट्रान्सफर रु.२ अर्ब ९६ करोड र खुद प्रत्यक्ष वैदेशिक लगानी रु. १ अर्ब ९८ करोड रहेको थियो । तथ्यांकअनुसार कोरोनाले विश्व अर्थतन्त्रमा आर्थिक संकन ल्याउदा पनि पनि बैदेशिक लगानी बढेको देखिन्छ । 

यस्तै, समीक्षा अवधिमा शोधनान्तर स्थिति रु.६७ अर्ब ६३ करोडले बचतमा रहेको छ । अघिल्लो वर्षको सोही अवधिमा शोधनान्तर स्थिति रु.८ अर्ब ८३ करोडले बचतमा रहेको प्रतिवेदनमा उल्लेख छ । 
अमेरिकी डलरमा अघिल्लो वर्षको सोही अवधिमा ७ करोड ८५ लाखले बचतमा रहेको शोधनान्तर स्थिति समीक्षा अवधिमा ५६ करोड ६२ लाखले बचतमा रहेको राष्ट्र बैंकको भनाइ छ । 

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८