काठमाडौं - कोरोना बीमामा हालसम्म ३० हजार भन्दा बढी बीमितले रकम भुक्तानी पाएका छन् ।

बीमा समितिले उपलब्ध गराएको तथ्यांक अनुसार माघ ९ गते शुक्रबारसम्म ३० हजार २७० जना बीमितले कोरोना बीमाको रकम पाएका हुन् । 

यस अवधिमा ३० हजार २७० जना बीमितलाई दुई अर्ब ९४ करोड ७३ लाख ५० हजार रुपैयाँ भुक्तानी भएको समितिले जनाएको छ ।

समितिका अनुसार माघ ९ गतेसम्म कारोना बीमामा ५७ हजार ७६२ वटा दाबी परेका छन् । ती मध्ये दाबीका लागि आवश्यक कागजात नपुगेका 

तीन हजार १८ वटा फाइल सम्बन्धीत कम्पनीमा नै फिर्ता भएका छन् । आठ हजार ९७१ दाबीका फाइल स्वीकृत हुने प्रक्रियामा रहेको समितिले जनाएको छ ।