काठमाडौं– इन्डियन प्रिमियर लिग आईपीएल क्रिकेटमा कोलकाता नाइट राइडर्सले  दिल्ली क्यापिटल्सलाई १४ रनले हराएको छ । हिजो भएको खेलमा कोलकाताले दिएको दुई सय ५ रनको लक्ष्य पछ्याएको दिल्लीले निर्धारित २० ओभरमा ९ विकेट गुमाएर एक सय ९० रन बनायो ।

दिल्लीका फाफ डु प्लेसिसले सर्वाधिक ६२ रन बनाए । त्यसअघि अरुण जेटली स्टेडियममा कोलकाताले ९ विकेट गुमाएर दुई सय ४ रन बनाएको थियो ।

कोलकाताको यो दशौं खेलमा चौथो जीत हो । कोलकाताले ९ अंक बनाएको छ । कोलकाता तालिकाको सातौं स्थानमा कायमै रहेको छ । दिल्लीको १० खेलमा चौथो हार हो । दिल्ली १२ अंकसहित तालिकाको चौथो स्थानमा छ ।

आईपीएल क्रिकेटमा आज चेन्नई सुपर किङ्ग्स र पन्जाब किङ्ग्स खेल्दैछन् ।