काठमाडौं– इन्डियन प्रिमियर लिग आईपीएल क्रिकेटमा आज गुजरात टाइटन्स र सनराइजर्स हैदराबाद खेल्दैछन् । भारतको अहदाबादमा हुने खेल नेपाली समयअनुसार बेलुका पौने ८ बजे शुरू हुनेछ ।

आईपीएलमा ९ खेलमा १२ अंकसहित गुजरात चौथो स्थानमा छ । समान खेलमा ६ अंक रहेको हैदराबाद नवौं स्थानमा छ ।

यसअघि हिजोको खेलमा मुम्बई इन्डियन्सले राजस्थान रोयल्सलाई एक सय रनले पराजित गरेको थियो । जीतसँगै मुम्बई ११ खेलमा १४ अंक जोड्दै शीर्षस्थानमा उक्लिएको छ ।

११ खेलमा ६ अंकका साथ आठौं स्थानमा रहेको  राजस्थानको प्लेअफमा पुग्ने सम्भावना समाप्त भएको छ ।