काठमाडौं- आईसीएफसी फाइनान्स लिमिटेडले लाभांश पारित गर्न मंसिर २९ गते, सोमबार २२ औं वार्षिक साधारणसभा गर्ने भएको छ । सो सभा बिहान १० बजे बौद्ध हेरिटेज, बौद्ध पिपलबोट, काठमाडौंमा सुरु हुनेछ।

सभाले हाल कायम चुक्ता पूँजीको १५.७८९५ प्रतिशतका दरले नगद लाभांश (कर प्रयोजनार्थ सहित) वितरण गर्ने प्रस्ताव पारित गर्नेछ।

साथै गत आथिृक वर्षको नाफा नोक्सान, हिसाब नगद प्रवाह लगायतका वित्तीय विवरण स्वीकृत गरी पारित गर्नेछ । सभाले प्रबन्धपत्र तथा नियमावली संशेधन गर्न सञ्चालक समितिलाई अख्तियारी दिने, लेखापरीक्षक नियुक्त गर्ने लगायतका प्रस्तावहरु पनि पारित गर्नेछ।

कम्पनीले साधारण सभा तथा लाभांश वितरण प्रयोजनार्थका लागि मंसिर १९ गते एक दिनका लागि बुकक्लोज गर्ने भएको छ। जसअनुसार मंसिर १७ गतेसम्म नेप्सेमा कारोबार भइ कायम सेयरधनीहरुले सभामा भाग लिन र प्रस्तावित लाभांश पाउन सक्नेछन् ।