काठमाडौं । हावाहुरीका कारण स्युचाटार– मस्र्याङदी १३२ केभी प्रसारण लाइनको जम्पर टुटेको छ ।

 

काठमाडौ उपत्यकामा विद्युत् आयात गर्ने उक्त  प्रसारण लाइनको जम्पर टुटेपछि काठमाडौँ उपत्यकामा केही समय लोडसेडिङ हुन पुगेको छ ।

 

जम्पर टुटदा काठमाडौँ आयात हुने सम्पूर्ण विद्युत् प्रसारण बन्द भएको छ ।

 

जम्पर टुट्न गएका कारण मस्र्याङदी करिडोरबाट काठमाडौ आउने करिब १०० मेगावाट बिद्युत प्रवाह बन्द हुनपुगेको प्राधिकरणका प्रवक्ता प्रबल अधिकारीले बताए ।

 

सो प्रसारण लाइनबाट भरतपुर तर्फ मात्रै  १०० मेगावाट बिद्युत प्रसारण भइरहेको छ ।

 

काठमाडौँको विद्युत् आपूर्तिका लागि कुलेखानी पहिलो र दोस्रो सञ्चालनमा ल्याइएको छ । जम्पर जोड्नकालागी प्राबिधिक टिम स्युचाटार गइसकेको प्राधिकरणका प्रवक्ता प्रबल अधिकारीले बताउनुभयो ।