काठमाडौं- स्पेनले अष्ट्रियामाथि ३–० को प्रभावशाली जित निकाल्दै फिफा विश्वकप २०२६ को अन्तिम १६ मा स्थान सुरक्षित गरेको छ।

स्पेनको जितमा मिकेल ओयार्जाबाल नायक बने। उनले दुई गोल गर्दै टोलीलाई सहज जित दिलाए। ओयार्जाबालले खेलको ३६औँ मिनेटमा पहिलो गोल गर्दै स्पेनलाई अग्रता दिलाएका थिए भने ८९औँ मिनेटमा व्यक्तिगत दोस्रो तथा टोलीका लागि तेस्रो गोल गरे। यससँगै प्रतियोगितामा उनको गोल संख्या चार पुगेको छ।

स्पेनका लागि अर्को गोल पेड्रो पोरोले ६६औँ मिनेटमा हेडमार्फत गरेका थिए। स्पेनले खेलभर बल नियन्त्रण र आक्रमणमा स्पष्ट वर्चस्व कायम गर्दै अष्ट्रियालाई कुनै पनि समयमा पुनरागमनको अवसर दिएन।

यो जितसँगै स्पेनले अन्तिम १६ मा स्थान बनाएको छ, जहाँ उसले पोर्चुगलसँग प्रतिस्पर्धा गर्नेछ। पोर्चुगलले अर्को खेलमा क्रोएसियालाई २–१ ले पराजित गर्दै अन्तिम १६ मा स्थान बनाएको थियो।