काठमाडौं– आईपीएल क्रिकेटको शनिबारको खेलमा दिल्ली डेयरडेभिल्सले जित हासिल गरेको छ ।
मुुम्बई इन्डियन्सलाई ७ विकेटले पराजित गर्दै दिल्ली डेयरडेभिल्सले जित हासिल गरेको हो । यो दिल्लीको पहिलो जित हो ।
मुम्बईले दिएको १९५ रनको लक्ष्य दिल्लीले ३ विकेट खर्चिँदै अन्तिम बलमा भेट्टायो ।
दिल्लीको जितमा जन्सोन रोय नायक बने । उनले ९१ रन बनाए । यस्तै रिसव पन्त ४७, श्रीयस लायरले २७ रन, गौतम गम्भीरले १५ र गेलनाले १३ रन बनाए ।
यसअघि, उत्कृष्ट शुरुवात गरेको मुम्बईले त्यसलाई निरन्तरता दिन नसक्दा ७ विकेटको क्षतिमा १९४ रनमा समेटिएको थियो ।
मुम्बईको लागि एविन लुइसले ४८ रन बनाए भने सूर्यकुमार यादवले ५३ रन बनाए ।
त्यसपछि आएका इसान किशन ४४ रन बनाउँदै आउट भएपछि मुम्बईको पारी धर्मरायो ।
हारपछि साबिक विजेता मुम्बईले तीन खेलमा एउटा पनि जीत निकाल्न सकेको छैन ।
प्रतिक्रिया