काठमाडाैं- कालिमाटी फलफूल तथा तरकारी बजारमा आज हरियो लसुनको भाउ घटेको छ । 

हिजो प्रतिकिलो ३२६ रुपियाँमा कारोबार भएको हरियो लसुन आज एकैपटक १७६ रुपियाँमा सीमित भएको छ । यो किलोमा १५० रुपियाँले घटेको हो ।

त्यस्तै, अघिल्लो दिन १७० रुपियाँ रहेको कन्य चाउ २० रुपियाँले बढेर आज १९० रुपियाँ कायम भएको छ । 

मंगलबार कालिमाटीमा लोकल गोलभेंडा ३५, रातो आलु ७७, भन्टा ३५, घिउसिमी ८१, करेला ७५, लौका ३५, परवर ६५ र घिरौंला प्रतिकिलो ७५ रुपियाँमा बिक्री भइरहेको कालिमाटी फलफूल तथा तरकारी बजार विकास समितिले जनाएको छ ।