काठमाडौं - नेपाल अटोमोबाइल्स एसोसिएसन (नासा नेपाल) ले ‘माउन्ट एभरेष्ट मोटर स्पोटर्स फेस्टिभल’ आयोजना गर्ने भएको छ । 

फेस्टिभल सन् २०२५ को जनवरी ४ तारिखमा हुनेछ । नासा नेपालको आयोजना र बागमती प्रदेश खेलकुद विकास परिषद्को सहयोगमा धुलिखेलस्थित हिमालयन मोटरल्यान्डमा आयोजना हुने उक्त फेस्टिभलमा अटोक्रस कम्पिटिसन, अटो जिमखाना, कार्टिङ कप, क्वाड बाइक च्यालेन्ज र स्टन्ट शो गरी पाँच वटा स्पर्धा समावेश गरिएको छ ।

नेपालमा पहिलो पटक हुन लागेको क्वाड बाइक च्यालेन्जमा क्वाड बाइकको कम्पिटिसन सम्बन्धि नियमसमेत सार्वजनिक गरिने छ । स्टन्ट शोअन्तर्गत संघले घोषणा गरेको कार्ययोजना स्टन्ट ब्याटलको घोषणा गरिने र कार्यविधि सार्वजनिक गरिने छ ।

यसै गरी, अटोक्रस नेपालमै मोडिफाई गरिएको क्रसकारको कम्प्लिट रेसिङ हो । त्यसमा नासा नेपालका नेसनल लाइसेन्स प्राप्त ड्राइभरहरुले पहिलो पटक भाग लिने छन् । अटो जिमखानाका दुई जना विजेतालाई अन्तर्राष्ट्रिय सहभागिताको अवसर पनि प्रदान गरिने छ ।

अटो जिमखाना, क्रसकार र काट्र्स गरी तीन खेलका विजेताहरूले क्रमशः २७ हजार, नौ हजार र तीन हजार रुपैयाँ नगद पुरस्कार र प्रमाणपत्र प्राप्त गर्नेछन् । बाँकी दुई इभेन्टका विजेताले भने अवार्ड र सर्टिफिकेट पाउने छन् ।