काठमाडौं- नेपालको विद्युतीय सवारी साधनको इतिहासमा एउटा महत्वपूर्ण उपलब्धि हासिल भएको छ । रिडडारा आरडी६ ४डब्लुडी ले NYEF Motor Rally अन्तर्गत मनाङ पुग्ने पहिलो EV पिकअपको गौरव हासिल गरेको छ। 

NYEF Rallyको आधिकारिक सवारी साझेदारका रूपमा, CG मोटर्सले देशभर फैलिएको २४० भन्दा बढी चार्जिङ स्टेसन नेटवर्कको सयक्त पहलमा यो सफलता प्राप्त गरेको हो। काठमाडौं-मनाङ जादा बेसिसहरमा एकपटक मात्र चार्ज गरेर मनाङसम्मको कठिन यात्रा पूरा गर्नु रिडडाराको उत्कृष्ट प्रविधि र क्षमताको प्रत्यक्ष प्रमाण हो, जसले नेपालको पहाडी भूभागमा पनि विद्युतीय सवारी सहज रुपमा संचालन गर्न सकिन्छ भन्ने देखाएको छ।

रिडडारा RD6 4×4 ले ३,५१९ मिटरको उच्चता, साँघुरा घुम्तीहरू, पथरीला उकालाहरू र चिसो हावापानीले चुनौतीपूर्ण बनेको मनाङ मार्गमा आफ्नो क्षमताको उत्कृष्ट प्रमाण दिएको छ। यस्तो उचाइमा इन्जिन पर्फर्मेन्समा असर पर्न सक्ने भए पनि, RD6 ले न त पावर गुमायो, न त सन्तुलन। ४२४ कि.मि को Range, र ५९५ Nm Torqueले NYEF Rallyको उकालो, अप्ठ्यारो र अफरोड बाटोहरूमा उत्कृष्ट प्रदर्शन गरेको देखियो। विशेषगरी, ९५% Gradebilityका कारण सो मार्गका तीव्र उकालाहरू सहज पार गर्न सफल भयो। 

साथै, २२५ मिमि Ground Clearanceले पथरीला र उचालिएका बाटाहरूमा पनि सन्तुलित यात्रा सुनिश्चित गर्‍यो। यस्ता कठिन परिस्थितिमा प्रदर्शन गर्नसक्ने क्षमताले RD6 लाई केवल शहरी प्रयोगका लागि होइन, अत्यन्त चुनौतीपूर्ण यात्राका लागि पनि उत्तिकै भरपर्दो बनाएको छ। रिडडाराको यो सफलताले केवल एउटा सवारीको सीमामा सन्देश दिएको छैन, यसले नेपालको भविष्य विद्युतीय गतिशीलतामा सुरक्षित, सक्षम र दिगो छ भन्ने प्रमाण पनि प्रस्तुत गरेको छ।