काठमाडौं- एनएमबी बैंकका प्रमुख कार्यकारी अधिकृत (सिइओ) गोविन्द घिमिरेले आज बुधबारबाट जिम्मेवारी सम्हालेका छन् ।

वैशाख ९ गते मंगलबारदेखि सिइओबाट सुनिल केसी बाहिरिएसँगै घिमिरेले जिम्मेवारी सम्हालेका हुन् ।घिमिरेलाई बैंक सञ्चालक समितिले गत फागुनमा नै २०८२ वैशाख १० देखि सिइओ बनाउने निर्णय गरेको थियो ।

फागुन मसान्तमा तत्कालीन सिइओ सुनिल केसीको दोस्रो कार्यकाल पूरा भएको थियो । बाफिया कार्यान्वयन भएको मितिले वैशाख ९ मा ८ वर्ष पूरा हुने र दुई कार्यकालको अधिकतम अवधि पूरा हुने थियो ।

केसीको फागुन मसान्तमा नै दोस्रो कार्यकाल सकिएको भए पनि वैशाख ९ सम्मका लागि केसीलाई नै सिइओको जिम्मेवारी दिएको थियो ।