काठमाडौं- नेपालको अग्रणी किराना खुद्रा चेन बिग मार्टले आफ्नो १६ औं वार्षिकोत्सव एक विशेष कार्यक्रम गरी मनाएको छ। 

काठमाडौंको ठमेलस्थित एलफ्ट होटेलमा आयोजित ‘बिग मार्ट गाला नाइट’ नामक कार्यक्रममा कम्पनीले नयाँ मोबाइल एपको आधिकारिक शुभारम्भ गर्दै लोकप्रिय सेलिब्रेटी जोडी आयुष्मान जोशी, प्रियंका कार्की र उनीहरूको छोरी आयंका कार्की जोशीलाई ब्राण्ड एम्बेसडरका रूपमा घोषणा गर्‍यो।

नयाँ एप स्मार्ट किनमेलको सुरुवात

बिग मार्टको मोबाइल एप अब एन्ड्रोइडमा उपलब्ध छ भने चाँडै आईओएसमा पनि ल्याउने तयारी गरिएको छ। एपमा ‘क्लिक एन्ड कलेक्ट’, मूल्य तुलना, नजिकको स्टोर खोजी, बिलिङ हिस्ट्री हेर्नु, छुट र रिवार्ड पोइन्टहरूजस्ता उपयोगी सुविधाहरू समावेश गरिएको छ। एप डाउनलोड गर्ने ग्राहकहरूले आफ्नो पहिलो अर्डरमा विशेष छुट समेत पाउनेछन्।

बिग मार्टका सीइओ तथा प्रबन्ध निर्देशक शश्वत ढकालले भने, “नेपालका हरेक छिमेकमा पुग्ने हाम्रो लक्ष्य हो। एपको शुभारम्भले त्यस यात्रामा नयाँ उचाइ थपेको छ।”

 महाप्रबन्धक अरुण बस्नेतले थपे, “यो एप केवल प्रविधि होइन, ग्राहकको सुविधा र अनुभव केन्द्रित सोचको प्रतिफल हो।”

आयुष्मान, प्रियंका र आयंका बिग मार्ट परिवारमा पनि सामेल भएका छन्। प्रियंका कार्कीले बिग मार्टसँगको आफ्नो लामो सम्बन्धको उल्लेख गर्दै एपमार्फत अर्डर गर्दा पाउने सुविधाको प्रशंसा गरिन्। आयुष्मान जोशीले भने, “बिग मार्ट हाम्रो छिमेकको हिस्सा जस्तै हो – सहज, भरपर्दो र पहुँच योग्य।”

१६ वर्षको यात्रास् एक सफल खुद्रा ब्रान्ड

१६ वर्षअघि एक स्टोरबाट सुरु भएको बिग मार्ट अहिले १२० भन्दा बढी स्टोरहरूमा विस्तार भइसकेको छ। कम्पनीले भर्खरै ‘मिनी बिग मार्ट’ अवधारणा सार्वजनिक गरेको छ, जसले काठमाडौं उपत्यकाबाट बाहिरका क्षेत्रमा समेत आफ्ना सेवा विस्तार गरिरहेको छ।

नेपालको सबैभन्दा ठूलो किराना खुद्रा चेनमध्ये एकको रूपमा बिग मार्टले गुणस्तर, सुविधा र समुदायप्रतिको समर्पणका साथ लाखौं ग्राहकहरूलाई सेवा दिइरहेको छ।