काठमाडौं- तिहार पर्व नजिकिएसँगै टेक कम्पनी यांगो ग्रुपअन्तर्गतको यांगो राइडले आफ्ना पार्टनर ड्राइभरहरूलाई सहयोग र सम्मान स्वरूप विशेष समयसीमित अभियान सुरु गरेको घोषणा गरेको छ । 

यस अभियानको उद्देश्य तिहार जस्तो व्यस्त समयमा ड्राइभर पार्टनरहरूलाई थप आम्दानीका अवसरहरू प्रदान गर्नु र कम दबाबमा बढी कमाउन सहयोग पुर्याउनु हो ।

यो अभियान तिहार पर्वको अवसरमा एक सातासम्म सञ्चालन हुनेछ, जसमा सोमबार, २० अक्टोबरदेखि थप बोनसहरू उपलब्ध हुनेछन् । यस अवधिमा सबै वर्गमा बोनस दरहरू सामान्य भन्दा २ गुणासम्म बढाइएका छन् । अब पार्टनर ड्राइभरहरूले कार सेवामा प्रति दिन अधिकतम रु. ६,२०० सम्म र बाइक सेवामा प्रति दिन बोनसको रूपमा रु. ४,१०० सम्म कमाउन सक्नेछन् । थप रूपमा, पार्टनर ड्राइभरहरूले आफ्नो सामान्य दैनिक लक्ष्यहरू नै पछ्याउनु पर्नेछ, कुनै अतिरिक्त लक्ष्य राख्न वा पूरा गर्नुपर्ने आवश्यकता हुनेछैन ।

“पार्टनर ड्राइभरहरू नै याङ्गोको मुटु हुन् । यो विशेष बोनस अभियान हाम्रो तर्फबाट एउटा सानो प्रयास हो जसले तिनीहरूलाई उत्सवको समयमा आफ्नो परिवारसँगको समय त्यागेर सेवामा जुटेको सम्मान गर्दछ । उनीहरूलाई सजिलै र बढी आम्दानी गर्न सक्षम बनाउँदै हामी आफ्ना पार्टनर ड्राइभरहरूप्रति आभार प्रकट गर्न चाहन्छौं,” यांगो राइड नेपालका एक वरिष्ठ प्रतिनिधिले भने ।

यांगोले काठमाडौंमा चलायमान सेवाको पहुँच विस्तार गर्न र दैनिकी यात्राका लागि भरपर्दो विकल्प उपलब्ध गराउन प्रतिबद्ध रहेको छ । यसका साथसाथै, कम्पनीले स्थानीय साझेदार र यातायात सेवाप्रदायकहरूलाई आफ्नो मोबाइल एपमार्फत सेवा प्रदान गर्न सशक्त बनाउँदै आएको छ। 

यांगोेको मुख्य लक्ष्यमध्ये एक भनेको स्थानीय अर्थतन्त्रलाई सहयोग पुर्याउने र नेपाली साझेदारहरूका लागि व्यवसायिक कार्य प्रणालीको डिजिटल रूपान्तरणलाई प्रोत्साहन गर्ने हो।

यांगोले सबै पार्टनर ड्राइभरहरूलाई यस विशेष अवसरको फाइदा उठाउन र उत्सवको समयमा बढी कमाई गर्दै तिहार मनाउन आग्रह गरेको छ । अभियानमा सहभागी हुन र थप जानकारीका लागि, ड्राइभरहरूलाई यांगो ड्राइभर इप हेर्न र आगामी अपडेटहरूमा ध्यान दिन सिफारिस गरिएको छ ।