विहीबार, २१ जेठ २०८३
ताजा समाचार
_kZcik9La6k.jpg)
राष्ट्र बैंकले आज फेरि १० अर्ब रुपैयाँको ऋणपत्र जारी गर्दै
आजको अर्थ संवाददाता
विहीबार, २४ पुस २०८२, ११ : ३८
काठमाडौं- नेपाल राष्ट्र बैंकले आज पुस २४ गते फेरि १० अर्ब रुपैयाँबराबरको ऋणपत्र जारी गर्ने भएको छ।
केन्द्रीय बैंकले आज ‘नेपाल राष्ट्र बैंक ऋणपत्र २०८३ च’ जारी गर्ने भएको हो। यो ऋणपत्रमा क, ख र ग वर्गका बैंक तथा वित्तीय संस्थाले आवेदन दिन पाउनेछन्।
आज मध्याह्न २ बजेसम्म यस ऋणपत्रको अनलाइनबाट बोलकबोल हुनेछ। बोलकबोलका माध्यमबाटै यो ऋणपत्रको ब्याजदर निर्धारण हुनेछ।
एकवर्षे अवधिको यो ऋणपत्रको साँवा भुक्तानी २०८३ पुस २४ गते हुने भने ब्याज अर्धवार्षिक रुपमा भुक्तानी गरिनेछ।
यस ऋणपत्रमा न्यूनतम ५ करोड रुपैयाँ र बढीमा ५ करोड रुपैयाँले भाग गर्दा निःशेष भाग जाने गरी कुल आह्वान रकमसम्म बोलपत्र पेस गर्न सकिने बैंकले जानकारी दिएको छ ।
विहीबार, २४ पुस २०८२, ११ : ३८
प्रतिक्रिया