काठमाडौं- यांगो राइड नेपालले आफ्नो नियमित मासिक ड्राइभर सम्मान कार्यक्रम आयोजना गर्दै पछिल्ला २–३ महिनामा प्लेटफर्ममा उत्कृष्ट प्रदर्शन गरेका ड्राइभरहरूलाई विशेष रूपमा सम्मान गरेको छ ।

यस कार्यक्रममार्फत् छोटो समयमा नै यांगो राइडका सेवा मापदण्डहरू अपनाई यात्रुहरूलाई सुरक्षित, भरपर्दो र गुणस्तरीय सेवा प्रदान गर्ने ड्राइभरहरूको योगदानको कदर गरिएको हो । कार्यक्रममा उत्कृष्ट प्रदर्शन गर्ने नयाँ पार्टनर ड्राइभरहरूलाई प्रोत्साहनस्वरूप विभिन्न पुरस्कार प्रदान गरिएको थियो। साथै, सहभागी सबै ड्राइभरहरूलाई यांगो राइडमा दिएको योगदानको सम्मानस्वरूप प्रशंसा प्रमाणपत्र प्रदान गरिएको छ ।

जाडो मौसमलाई ध्यानमा राख्दै ड्राइभरहरूको दैनिक कामलाई सहज बनाउन यांगो राइडले जाडो विशेष ब्याग पनि वितरण गरेको थियो । उक्त ब्यागमा यांगो ब्रान्डेड ज्याकेट,े पञ्जा, कार फ्रेशनर, प्रिमियम क्लिनिङ कपडा तथा की-रिङ समावेश गरिएको थियो, जसले ड्राइभरको सुविधा मात्र नभई यात्रुहरूको कार सवारी अनुभव सुधार गर्न सहयोग पुर्याउने उद्देश्य राख्दछ ।

यो कार्यक्रम यांगो राइडको नेपालमा सञ्चालन हुँदै आएको नियमित मासिक पहल अन्तर्गत आयोजना गरिएको हो । यस पहलको उद्देश्य ड्राइभरहरूसँग प्रत्यक्ष संवाद कायम राख्नु, उनीहरूको प्रतिक्रिया सुन्नु, उत्कृष्ट सेवाको पहिचान र प्रोत्साहन गर्नु तथा ड्राइभर समुदायबीच विश्वास र दीर्घकालीन सम्बन्ध निर्माण गर्नु हो। विशेषगरी नयाँ ड्राइभरहरूमा केन्द्रित यस संस्करणले प्रारम्भिक चरणमै सही समर्थन र प्रेरणाले ड्राइभरहरूको दीर्घकालीन सफलतामा महत्वपूर्ण भूमिका खेल्ने याङ्गो राइडको विश्वासलाई प्रतिबिम्बित गर्दछ ।

यांगो राइड नेपालले आगामी दिनहरूमा पनि ड्राइभरहरूको आवश्यकतालाई ध्यानमा राख्दै यस्ता मासिक ड्राइभर सम्मान कार्यक्रमहरू निरन्तर रूपमा आयोजना गर्दै जाने जानकारी दिएको छ ।