काठमाडौं- सरकारले गुप्तचर निकाय राष्ट्रिय अनुसन्धान विभागलाई प्रधानमन्त्री तथा मन्त्रिपरिषद् कार्यालय अन्तर्गत फर्काइएको छ । 

रास्वपा नेता बालेन्द्र शाह नेतृत्वको सरकारले नेपाल सरकारको कार्यसम्पादन नियमावली २०८३ अनुसार विभागलाई प्रधानमन्त्री कार्यालयमातहत फर्काएको हो । 

उक्त नियमावली बुधबार बसेको मन्त्रिपरिषद् बैठकले पारित गरेको थियो । सोही नियमावली पारित भएसँगै सरकारले राजपत्रमा प्रकाशित गरेर गुप्तचर निकायलाई प्रधानमन्त्री कार्यालय मातहत ल्याएको हो । 

यस अघि गृहमन्त्रालय अन्तर्गत रहेको गुप्तचर निकायलाई २०७४ सालमा केपी ओली प्रधानमन्त्री हुँदा प्रधानमन्त्री कार्यालय मातहतमा लगिएको थियो । त्यसपछि फेरि सुशीला कार्की नेतृत्वको सरकारले गृह मन्त्रालयमै फर्काएको गुप्तचर निकायलाई बालेन्द्र सरकारले प्रधानमन्त्री कार्यालय मातहत लगेको हो ।