काठमाडौं– स्थानीय बजारमा आज सुन तथा चाँदी दुवैको मूल्य वृद्धि भएको छ। अघिल्लो कारोबारको तुलनामा सुनको भाउ उल्लेख्य रूपमा बढेको हो।

नेपाल सुनचाँदी व्यवसायी महासंघका अनुसार आज सुन प्रतितोला १ हजार ९ सय रुपैयाँले बढेर २ लाख ९२ हजार ८ सय रुपैयाँ पुगेको छ। यसअघि सुन २ लाख ९० हजार ९ सय रुपैयाँमा कारोबार भएको थियो।

त्यसैगरी, चाँदीको मूल्यमा पनि आज वृद्धि देखिएको छ। चाँदी प्रतितोला १४० रुपैयाँले बढ्दै ५ हजार १५० रुपैयाँ कायम भएको महासंघले जनाएको छ। 

आइतबार प्रतितोला पाँच हजार १० रूपैयाँमा कारोबार भएको चाँदी आज तोलामा पाँच हजार एक सय ५० रूपैयाँमा किनबेच भइरहेको छ।