जोखिमपूर्ण इराक ओमान यात्रा, ७ महिलाको उद्धार

मंसिर २२, २०७८ | आजको अर्थ
ajaako_artha

काठमाडौं - वैदेशिक रोजगारीको नाममा विभिन्न प्रलोभनमा पारी नेपाली महिला तथा किशोरीहरुलाई आकर्षक कमाइ हुने भनी भारत हुँदै खाडी मुलुक पुर्‍याउने बिचौलियाहरुको सक्रियता बढ्दै  गएको छ । 

निकै सोझा र केही नजान्ने महिला तथा किशोरीहरुलाई जोखिमपूर्णरुपमा भारत हुँदै इराक, ओमान जस्ता देशमा लैजाने गरेको पाइएको छ । 

यसैबीच आफन्त नेपालले आइतबार र सोमबार गरी ७ जना महिलालाई कृष्णनगर सीमाबाट उद्धार गरेको छ । उद्धार पश्चात् ती महिलाहरुलाई सोधपुछ तथा परामर्श गर्दा इराक र ओमान जान लागेको खुलेको प्रहरीले जानकारी दिएको छ । प्रहरीका अनुसार उद्धार गरिएकाहरु विभिन्न जिल्लाका महिला तथा किशोरीहरु थिए । 

२० वर्षदेखि ४० वर्षका महिलाहरुलाई अनेकौ प्रलोभनमा पारी विभिन्न बिचौलीयाहरुको माध्यम र प्रयोगबाट भारत लाने र त्यहाँबाट तेस्रो मुलुक पठाउने गरेको खुल्न आएको छ । सोधपुछको क्रममा पूरा नाम समेत थाहा नभएको तर काठमाडौंमा बस्ने भिम नाम गरेको व्यक्तिले पठाएको पीडितहरुले प्रहरीसमक्ष बयान दिएका छन् । 

सीमा पार गर्दा अलग अलग गरेर जाने र सोधपुछ गर्दा सत्य नबताउने र बजार जान लागेको भनेर झुटो बोल्दा बिचौलियालाई नियन्त्रणमा लिन असहज हुने आफन्त नेपालकी परामर्श दाता अनिता कोइरालाले बताइन् ।

बाध्यताले फस्दै
गरिबीले थिचोमिचो बनाएको जीवन, कयौंको श्रीमानको सहायता नहुँदा र घरमा राम्रो सल्लाह सुझाव दिने व्यक्ति नहुँदा यस्ता घटना हुने गरेको आफन्त नेपालकी बोर्डर इन्चार्ज जेनिसर सुनारी बताउँछिन् ।

शंस्कास्पद व्यक्तिहरुको विभिन प्रमाणहरु भएपनि पीडित पक्ष मौन बस्दा कयौं घटनामा बिचौलियाहरुले उन्मुक्ति पाएको सुनारीले बताइन् । कयौं घटनामा पीडितहरुको असहयोगका कारण बिचौलियालाई कानूनी कठघरामा ल्याउनसमेत असहज हुने सुनारिले बताइन् । 

उद्धार गरिएका केही महिलाहरुको पारिवारिक पुनर्मिलन भैसकेको र केही आफन्त नेपालको सुरक्षित आवास गृहमा रही विभिन्न सीप आर्जन गरिरहेको सुनारीले बताइन् । मध्यान्ह दैनिक

कमेन्ट गर्नुहोस्

तपाईंको ईमेल गोप्य राखिनेछ ।

This site is protected by reCAPTCHA and the Google Privacy Policy and Terms of Service apply.

बुलियन मार्केट

विनिमय दर

मुद्राखरिदबिक्री
U.S. Dollar१२२.०३१२२.६३
European Euro१३१.६६१३२.३१
UK Pound Sterling१५०.८७१५१.६१
Swiss Franc१२५.०९१२५.७१
Australian Dollar७७.७८७८.१६
Canadian Dollar८६.९२८७.३५
Singapore Dollar८५.६५८६.०८