काठमाडौँ-  बिहीबार पनि सुनको भाउ बढेको छ। 

 आज सुनको भाउ तोलामा २०० रुपैयाँले बढेको हो। योसँगै प्रतितोलाछापावाल सुन १ लाख ३ हजार १०० रुपैयाँ र तेजाबी सुन १ लाख २ हजार ६०० रुपैयाँ कायम भएको नेपाल सुनचाँदी व्यवसायी महासंघले जनाएको छ । 

हिजो सुनको भाउ तोलामा ३०० रुपैयाँले बढेको थियो। यो दिन प्रतितोला छापावाल सुन १ लाख २ हजार ९०० रुपैयाँ र तेजाबी सुन १ लाख २ हजार ४०० रुपैयाँमा कारोबार भएको थियो।

चाँदीको भाउ भने तोलामा १५ रुपैयाँले घटेर १ हजार ३८५ रुपैयाँ कायम भएको छ। हिजो पनि तोलामा १० रुपैयाँले घटेर चाँदी १ हजार ४०० रुपैयाँमा किनबेच भएको थियो।