१६ औँ गोदावरी फूलको प्रतियोगितात्मक प्रदर्शनी सम्पन्न कतिले गरे अवलोकन ?

८ महिना अगाडि

काठमाडौँ-  ‘रोपेर फूल गोदावरी, सजाऔं घर आँगन वरिपरि’ भन्ने नाराका साथ गत मङ्गलबादेखि सुरु भएको पुष्प मेला सम्पन्न भएको छ । 

१ करोड कारोवार हुने लक्ष्य राखेर सुरु गरिएको उक्त मेलामा मा १ करोड १७ लाखको कारोबार भएको र लक्ष्यभन्दा १७ लाख बढीको कारोबार भएको आयोजक संस्थाका संयोजक जे.बि तामाङले बताएका छन् । 

398233708_284761974542633_3157815305929910964_n

फ्लोरिकल्चर एशोसिएशसन नेपाल (फ्यान) का संयोजक जे.बि तामाङका अनुसार मेलामा ४५ हजार जनाले अवलोकन गरेका थिए। सत्तरी वटा बिक्री कक्ष रहेको उक्त मेलामा बिक्री भएका फूलमध्ये ५० प्रतिशत गोदावरी फूल बिक्री भएको थियो ।
मेलामा व्यावसायिक स्टल ६१, प्रतियोगितात्मक स्टल दुई, फ्लावर सजावट स्टल दुई र सूचनामूलक पाँच गरी ७० वटा स्टल रहेका थिए ।

370131776_886374579514371_3194684312155182249_n

पूर्वबडामहारानी कोमल राज्यलक्ष्मी शाहस्वास्थ्यमन्त्री मोहनबहादुर बस्नेत, सांसद् डाक्टर तोशिमा कार्की,  ललितपुर जिल्लाका प्रमुख जिल्ला अधिकारी लगायतका विशिष्ट व्यक्तिले मेला  अवलोकन गरेका थिए।  एशोसिएशनले नेपाली पुष्प व्यवसाहीको उत्पादनलाई प्रोत्साहन एवम् प्रबद्र्धन गर्ने मुख्य उद्देश्यका साथै तिहारलाई लक्ष्य गरेर मेला आयोजना गरेको जनाएको छ ।

384543871_1040228623763733_3568901974565046194_n

पछिल्लो समय काठमाडौँ, ललितपुर, भक्तपुर, कास्की, चितवन, मकवानपुर, काभ्रेपलाञ्चोक, गुल्मी, पाल्पा, धादिङ, मोरङलगायत ४८ जिल्लामा पुष्पखेती विस्तार भइसकेको छ । नेपालमा हाल व्यावसायिकरूपमा चार सय ५० प्रजातिका फूल उत्पादन हुँदै आएको छ । नेपालमा लगभग दुई सय २१ हेक्टर क्षेत्रफलमा करिब एक हजार दुई सय व्यवसायीले यसको खेती गर्दै आएका बताइएको छ ।

386477969_1095491668499164_6941733353529115923_n

आयोजक संस्थाले हिजो एक दिन मेलामा टिकट बिक्रीबाट उठेको रकमको ५० प्रतिशत रकम गत शुक्रबार राति जाजगरकोट र रुकुमपश्चिममा गएको भूकम्प पीडितका लागि सहयोग गर्ने जनाएको छ ।  सुरुमा पाँच दिनका लागि भनेर सुरु गरिएको गोदावरी फूलको प्रतियोगितात्मक प्रदर्शनीको मेला अवधि एक दिन थप गर्दै आजसम्म सञ्चालन गरिएको र उक्त रकम भूकम्पीडितलाई सहयोग गर्ने बताइएको छ ।

398296639_1377785669829034_5163039572692739439_n

एशोसिएशनले भनेको छ, “आइतबारको मेलाको टीकटबाट हुने आम्दानीको ५० प्रतिशत रकम जाजरकोट तथा पश्चिम रुकुम क्षेत्रका भूकम्पपीडितको  सहयोगका लागि नेपाल सरकारको कोषमा जम्मा गरिने छ ।”  रोपेर फूल गोदावरी, सजाऔँ घर आँगन वरिपरि’ भन्ने  नाराका साथ गत मङ्गलवारदेखि सुरु भएको १६ औँ गोदावरी फूलको प्रतियोगितात्मक प्रदर्शनी आइतबार नै सकिएको थियो  ।

371487233_6919532014779290_8522959675006521041_n

८ महिना अगाडि

प्रतिक्रिया