काठमाडौँ । आज शनिवार अमेरिकी डलरको भाउ उच्च बिन्दुमा पुगेको छ । आज एक अमेरिकी डलरका लागि १३३ रुपैयाँ ७० पैसा खर्च गर्नु पर्ने भएको छ । 

नेपाल राष्ट्र बैङ्कका अनुसार आज अमेरिकी डलर एकको खरिद मूल्य १३३ रुपैयाँ १० पैसा रहेको छ । शुक्रवार अमेरिकी डलरको खरिद मूल्य १३३ रुपैयाँ ६ पैसा र बिक्री मूल्य १३३ रुपैयाँ ६६ रहेकोमा आज बढेर उच्च बिन्दुमा पुगेको हो । 

त्यस्तै, युरोपियन युरो एकको बिक्री मूल्य १४५ रुपैयाँ ९२ पैसा र खरिद मूल्य १४५ रुपैयाँ २७ पैसा तोकिएकोमा आज घटेर बिक्री मूल्य १४५ रुपैयाँ ९१ पैसा र खरिद मूल्य १४५ रुपैयाँ २५ पैसा कायम भएको छ । 

त्यस्तै, अस्ट्रेलियन डलरको भाउ भने स्थिर रहेको छ । आज अस्ट्रेलियन डलर एकको बिक्रीमा ८७ रुपैयाँ ८१ पैसा र खरिदमा ८७ रुपैयाँ ४२ पैसा रहेका छ । 

यसै गरी साउदी अरेवियन रियाल एकको खरिददर ३५ रुपैयाँ ४९ पैसा र बिक्रीमा ३५ रुपैयाँ ६५ पैसा र कतारी रियाल एकको खरिद मूल्य ३६ रुपैयाँ ५१ पैसा र बिक्री मूल्य ३६ रुपैयाँ ६८ पैसा तोकिएको छ । 

त्यस्तै, साउथ कोरियन वन १०० को खरिदमा १० रुपैयाँ १९ पैसा र बिक्रीमा १० रुपैयाँ २४ पैसा, कुवेती दीनार एकको खरिद मूल्य ४३१ रुपैयाँ ६९ पैसा र बिक्री मूल्य ४३३ रुपैयाँ ६४ पैसा र बहराइन दीनार एकको खरिदमा ३५३ रुपैयाँ ०८ पैसा र बिक्रीमा ३५४ रुपैयाँ ६७ पैसा पर्नेछ ।