काठमाडौँ। आज अन्तर्राष्ट्रिय बजारमा सुनको मूल्यमा वृद्धि भएको छ। पछिल्लो २४ घण्टाको अवधिमा अन्तर्राष्ट्रिय बजारमा सुनको मूल्य ०.६९ प्रतिशत अर्थात् १५.०६ डलरले बढेको हो।

नेपाली बजारमा भने छापावाला सुनको मूल्य प्रतितोला १ लाख २६ हजार ८ सय रुपैयाँ र तेजावी सुनको मूल्य प्रतितोला १ लाख २६ हजार २ सय रुपैयाँमा कारोबार भइरहेको छ । नेपाली बजारमा घट्ने बढ्ने क्रम दोहोरिइरहेको समयमा अन्तर्राष्ट्रिय बजारमा भने सुनको मूल्यमा वृद्धि भएको हो ।

अन्तर्राष्ट्रिय बजारमा सुनको मूल्य प्रतिऔंस २ हजार १९४.५९ डलर कटेको छ । पछिल्लो २४ घण्टाको अवधिमा चाँदीको मूल्य पनि वृद्धि भएको छ। चाँदीको मूल्य ०.७६ प्रतिशत अर्थात् प्रतिऔंस ०.१९ डलरले बढेको छ। यो वृद्धिसँगै चाँदीको मूल्य २४.६३ डलर पुगेको छ ।