काठमाडौँ - आज सुनचाँदीको मूल्यमा गिरावट आएको छ ।
शुक्रबार सुनको भाउ प्रतितोला १ हजार ३ सय रुपैयाँले घटेको हो । नेपाल सुनचाँदी व्यवसायी महासङ्घका अनुसार प्रतितोला १ लाख ३४ हजार रुपैयाँ पुगेको सुनको भाउ आज घटेर १ लाख ३२ हजार ७ सय रुपैयाँमा झरेको हो । त्यस्तै, तेजावी सुन प्रतितोला १ लाख ३३ हजार ३ सय ५० रुपैयाँ रहेकोमा आज घटेर १ लाख ३२ हजार ५० रुपैयाँ कायम भएको छ ।
त्यस्तै चाँदी प्रतितोला ३५ रुपैयाँले घटेको महासङ्घले जनाएको छ । यस अघि प्रतितोला १ हजार ६ सय ५० रुपैयाँ रहेको चाँदीको भाउ घटेर आज १ हजार ६ सय १५ रुपैयाँमा झरेको हो ।
प्रतिक्रिया