पर्सा प्रहरीद्धारा  ‘डिजिटल स्मार्ट कन्ट्रोल रुम’सञ्चालनमा

शनिबार, ०८ असार २०८१, १३ : ४८

काठमाडौँ - जिल्ला प्रहरी कार्यालय पर्साले ‘डिजिटल स्मार्ट कन्ट्रोल रुम’ सञ्चालनमा ल्याएको छ । जिल्लामा हुने आपराधिक गतिविधिलाई न्यूनीकरण र प्रहरी परिचालनमा व्यवस्थित गर्न ‘डिजिटल स्मार्ट कन्ट्रोल रुम’ सञ्चालनमा ल्याइएको प्रहरीले जनाएको छ ।

कार्यालयले दैनिक प्रहरी परिचालनलाई व्यवस्थित गराई आफ्ना गतिविधिलाई छिटोछरितो सम्बोधन, अपराध रोकथाम, नियन्त्रणका लागि स्मार्ट कन्ट्रोल रुमलाई  सञ्चालनमा ल्याएको हो ।पर्सा जिल्लाका प्रमुख जिल्ला अधिकारी दिनेशसागर भुसालले डिजिटल स्मार्टरुपको शुक्रबार उद्‌घाटन गर्दै प्रविधिका माध्यमबाट अपराध नियन्त्रण र प्रहरी परिचालनमा सहज हुने बताए । 'प्रहरीलाई अत्याधुनिक प्रविधिसँग जोडेसँगै प्रहरीका गतिविधि पनि छिटोछरितो हुने गर्छ,' उनले भने, 'यसले प्रहरीलाई थप जिम्मेवार र तुरुन्तै एक्सनमा जाने वातावरण तयार पार्नेछ ।'

कार्यक्रममा जिल्ला प्रहरी कार्यालय पर्साका प्रहरी नायब उपरीक्षक दीपक भारतीले करिब सात लाखको लागतमा डिजिटल स्मार्ट कन्ट्रोल रुम सञ्चालनमा ल्याएको बताए ।;पहिला कन्ट्रोल रुप म्यानुअल ढङ्गले सञ्चालन हुँदै आइरहेको थियो,;उनले भने, 'पहिला प्रहरीको १०० नम्बरमा आउने फोनबाट आउने उजुरी तथा गुनासो रेकर्ड सम्बन्धित ढाँडामा रेकर्ड गरेर फिल्डमा रहेका प्रहरीलाई फोनमार्फत जानकारी गराइन्थ्यो । तर अहिले प्रविधिकै माध्यमबाट रेकर्ड हुने भएकाले र तुरुन्तै रेस्पोन्स गर्न सकिनेछ ।'

शनिबार, ०८ असार २०८१, १३ : ४८

प्रतिक्रिया