काठमाडौँ - मेटाले आफ्नो इन्स्टाग्राम प्लेटफर्ममा नयाँ एआई टूल ‘एआई स्टुडियो’ लन्च गरेको छ ।

यसको मद्दतले प्रयोगकर्ताहरूले आफ्नै विशेष एआई च्याटबोट सिर्जना गर्न सक्नेछन्। यो टुलले प्रयोगकर्ताहरूलाई आफ्नो व्यक्तिगत एआई च्याटबोट सिर्जना गर्न र सोशल मिडियामा सेयर गर्न अनुमति दिन्छ । यो उपकरण प्रयोगकर्ताहरूको लागि धेरै लाभदायक साबित हुन सक्ने कम्पनीको भनाई छ ।यसमार्फत उनीहरुले आफ्नो ‘कस्टमाइज रिप्लाई’ बनाएर म्यासेजको जवाफ पनि दिन सक्नेछन् । मेटाको यो नयाँ टुल इन्स्टाग्राम चलाउने व्यवसायीहरूले पनि प्रयोग गर्न सक्नेछन् ।

यो एआई च्याटबोटले सामान्य डाइरेक्ट म्यासेज प्रश्न र स्टोरीहरूको जवाफ दिन सक्षम छ। यसबाहेक, प्रयोगकर्ताहरूले मेटाका विभिन्न प्लेटफर्महरूमा आफ्नो एआई च्याटबोट सेयर गर्न सक्छन् । एआई स्टुडियो मेटाको ओपन सोर्स एआई मोडल लामा ३.१ मा बनाइएको छ, जुन गत हप्ता रिलिज भएको थियो। यो धेरै भाषाहरूमा उपलब्ध छ र धेरै सशुल्क टुलहरूसँग प्रतिस्पर्धा गर्न सक्छ । यो नयाँ सुविधा इन्स्टाग्राममा मात्र सीमित रहने छैन ।

मेटाले यसलाई यसको अन्य सामाजिक मिडिया प्लेटफर्महरूमा पनि थप्नेछ। यसबाट प्रयोगकर्ताहरूले हरेक प्लेटफर्ममा समान अनुभव पाउनेछन्। यसअघि जुनमा गुगलले आफ्नो जेमिनी मोबाइल एप भारतमा ९ भाषामा लन्च गरेको थियो । एक हप्ता पछि, मेटा एआईलाई भारतमा व्हाट्सएप, फेसबुक, इन्स्टाग्राम, मेसेन्जर र ‘मेटा.एआई’ मा प्रस्तुत गरियो । मेटा एआई लन्च गर्दा कम्पनीले यसलाई लार्ज ल्याङ्ग्वेज मोडल (एलएलएम) मा निर्माण गरिएको बताएको थियो। यसले फेसबुक, ह्वाट्सएप र इन्स्टाग्रामका लाखौँ प्रयोगकर्तालाई फाइदा पुग्नेछ।

मेटा एआई प्रयोग गरेर, सामग्री सिर्जना गर्ने र कुनै पनि विषयमा जानकारी प्राप्त गर्ने जस्ता कार्यहरू अब प्रत्यक्ष र सजिलैसँग गरिन्छ । यो नयाँ सुविधाले सिर्जनाकर्ताहरूलाई आफ्ना फलोअर्सहरूसँग राम्रो र प्रभावकारी रूपमा संवाद गर्न मद्दत गर्नेछ।एजेन्सी