काठमाडौं - त्रिभुवन अन्तर्राष्ट्रिय विमानस्थल आज (९९ फागुन) देखि दैनिक १६ घण्टा सञ्चालनमा आउने भएको छ।

यस अघि, कात्तिक २३ गतेदेखि विमानस्थल राति १० बजेदेखि बिहान ८ बजेसम्म बन्द हुने व्यवस्था गरिएको थियो। अब, विमानस्थल बिहान ७ बजे खुलेर राति ११ बजेसम्म सञ्चालन हुनेछ।

विमानस्थल पूर्वाधार विस्तारका क्रममा सञ्चालित तीन वटा आयोजनामध्ये धावनमार्गको ७५ मिटरनजिक कामको भौतिक प्रगति ६० प्रतिशत पूरा भएसँगै दैनिक दुई घण्टा विमानस्थल सञ्चालनको समय थप गरिएको हो ।

प्राधिकरणका अनुसार हाल विमानस्थलभित्र तीन वटा आयोजनाको काम जारी रहेको छ । सन् २०२० मे सुरु भएर सन् २०२६ फेब्रुअरीमा सकिने उक्त सबै आयोजनाको भौतिक कार्य प्रगति हालसम्म ४० प्रतिशत पूरा भएको छ । आयोजना सम्पन्न गर्न करिब १५ अर्ब रुपियाँ लागत खर्च हुने आकलन गरिएको छ ।

हाल त्रिभुवन अन्तर्राष्ट्रिय विमानस्थलको वार्षिक क्षमता ८०–८५ लाख हवाई यात्रु रहेकोमा आयोजना सम्पन्नपछि १० देखि १५ लाख थपिएर वार्षिक क्षमता सवा करोडसम्म धान्न सक्ने प्राधिकरणले जनाएको छ ।