काठमाडौं- लेबनानमा राष्ट्रपति निर्वाचन अवरूद्ध भएपछि कामचलाउ सरकारले सङ्कटग्रस्त देशको नेतृत्व गरेको दुई वर्षभन्दा बढी समयपछि नयाँ सरकार गठन भएको छ।

शनिबार राष्ट्रपति जोसेफ औनले ‘२४ जना मन्त्रीको सरकार गठन गर्ने’ आदेशमा हस्ताक्षर गरेका हुन्। 

राष्ट्रपतिले औनले कामचलाउ प्रधानमन्त्री नजिब मिकातीको सरकारको राजीनामा स्वीकृत गरी प्रधानमन्त्री नवाफ सलामलाई सरकार गठनका लागि औपचारिक रूपमा जिम्मेवारी तोकेका हुन् ।

दुई वर्षभन्दा लामो राजनीतिक गतिरोधपछि इजरायलसँगको युद्धमा सशस्त्र समूह हिजबुल्लाह कमजोर भएपछि पूर्व सेना प्रमुख औन राष्ट्रपति निर्वाचित भए भने सलाम प्रधानमन्त्रीमा निर्वाचित भएका हुन्।

लेबनानले आर्थिक सङ्कटपछि अन्तर्राष्ट्रिय दातृ निकायहरूबाट अर्बौं डलर प्राप्त गर्न आवश्यक सुधारहरू कार्यान्वयन गर्ने, इजरायल–हिजबुल्लाहको कमजोर युद्धविरामको निरीक्षण गर्ने र युद्धग्रस्त देशको पुनर्निर्माण गर्ने चुनौतीको सामना गरिरहेको छ।