काठमाडौं- जाजरकोटको शिवालय गाउँपालिका-१ नजिकै युवकको शव फेला परेको छ। शनिबार बिहान अन्दाजी २२ वर्षीय युवकको शव फेला परेको प्रहरीले जनाएको छ। 

जिल्ला प्रहरी कार्यालय जाजरकोटका अनुसार शनिबार बिहान भेटिएको शव जाजरकोटकै छेडागाड नगरपालिका-१२ का राजु सिंहको हो। 

जाजरकोटका प्रहरीले भेटिएको शवमा केही चोट देखिएको र मृत्युको कारण पोष्टर्माटमपछि थाहा हुने बताएको छ । स्थानीयहरुले भने शव उठाउन नदिएको प्रहरीले जानकारी दिएको छ । 

स्थानीयहरुले शव भेटिएपछि स्थानीयले बिहानैदेखि शिवालय गाउँपालिकादेखि छेडागाड नगरपालिका जोड्ने सडक अवरुद्ध पारेका छन्।