काठमाडौं - एनआईसी एशिया लघुवित्त वित्तीय संस्था लिमिटेडको अत्तरिया शाखाले ‘ग्लोबल मनी वीक २०२५’ को अवसरमा एक दिने वित्तीय साक्षरता कार्यक्रम र र्‍यालीको आयोजना गरेको छ। 

सुदूरपश्चिम प्रदेशको अत्तरिया शाखामा सम्पन्न उक्त कार्यक्रमले वित्तीय सचेतना र साक्षरता अभिवृद्धि गर्ने उद्देश्यले विभिन्न गतिविधिहरू सञ्चालन गरेको थियो।कार्यक्रममा शाखाका कर्मचारी र लघुवित्तका सदस्यहरूको सक्रिय सहभागिता देखिन्थ्यो। वित्तीय व्यवस्थापन, बचत, लगानी, बीमा, र बैंकिङ सेवाबारे सहभागीहरूलाई महत्त्वपूर्ण जानकारी प्रदान गरिएको थियो। 

र्‍यालीमार्फत समुदायमा वित्तीय सचेतना फैलाउने प्रयास गरिएको थियो। एनआईसी एशिया लघुवित्तले यस कार्यक्रममार्फत वित्तीय साक्षरता अभियानलाई थप सशक्त बनाउने योजना राखेको छ।