काठमाडौं- नेपाल एसबीआई बैंकले असार ३० गतेदेखि ऋणपत्र निष्कासन खुला गर्ने भएको छ । 

बैंकले ३ अर्ब रुपैयाँ बराबरको ऋणपत्र निष्कासन गर्न लागेको हो । बैंकले प्रतिइकाई १ हजार रुपैयाँको दरमा ३३० लाख इकाई ऋणपत्र जारी गर्नेछ । यसमध्ये १८ लाख इकाई बैंकले आफ्नै पहलमा अन्य संघसंस्थालाई बिक्री गर्नेछ । 

बाँकी १२ लाख इकाई सर्वसाधारणका लागि खुला गर्नेछ । बैंकले १० वर्ष अवधि तथा वार्षिक ७ प्रतिशत ब्याजदर रहेको “७ प्रतिशत एसबीआई ऋणपत्र २०९०” नामको ऋणपत्र निष्कासन गर्न लागेको हो । यसमा एनआइएमबी एस क्यापिटलले ऋणपत्र निष्कासन तथा बिक्री प्रबन्धकको काम गर्नेछ । 

यस ऋणपत्रमा साउन १ गतेसम्म आवेदन दिन सकिनेछ भने उक्त समयसम्म सबै ऋणपत्र बिक्री नभएमा भने साउन १२ गतेसम्म खुला रहनेछ । 

यसमा न्यूनतम २५ इकाईदेखि अधिकतम १२ लाख इकाईसम्म आवेदन दिन सकिनेछ । यस ऋणपत्रमा सी–आस्वा सदस्य बैंक तथा वित्तीय संस्था र मेरो सेयर सफ्टवेयरमार्फत अनलाइनबाट आवेदन दिन सकिनेछ ।