काठमाडौं- सार्वजनिक खरिद अनुगमन कार्यालयले एकै पटक चार कम्पनीलाई कालो सूचीमा राखेको छ । ती चारवटै कम्पनीलाई १र१  वर्षका लागि कालोसूचीमा राखिएको कार्यालयले जनाएको छ ।  कालोसूचीमा पर्नेमा थोमस कन्स्ट्रक्सन एन्ड सप्लायर्स प्रालि, डीजी इगल कन्स्ट्रक्सन एन्ड विल्डर्स प्रालि, शिवम् कन्स्ट्रक्सन र ग्रीन लिफ प्रालि छन् ।

थोमस कन्स्ट्रक्सन एन्ड सप्लायर्स प्रालिलाई सहरी विकास तथा भवन कार्यालय विराटनगर मोरङको सिफारिसमा १ वर्षका लागि कालोसूचीमा राखिएको छ । यसका मुख्य व्यक्ति मुन्नी कुमारी मेहता हुन् । 

सडक डिभिजन चन्द्रनिगाहापुर रौतहटको सिफारिसमा टोखा नगरपालिका ७ काठमाडौँको डीजी इकल कन्स्ट्रक्सन एन्ड विल्डर्स प्रालिलाई १ वर्षका लागि कालो सूचीमा राखिएको छ । यस कन्स्ट्रक्सनका मुख्य व्यक्ति रघुनाथ कुमार ठाकुर हुन् । 

जनकपुर उपमहानगरपालिका ८ धनुषाको शिवम् कन्स्ट्रक्सनलाई कालो सूचीमा राख्न गौशाला नगरपालिकाको कार्यालय महोत्तरीले सिफारिस गरेको थियो । शिवम् कन्स्ट्रक्सनका मुख्य व्यक्ति राधेश्याम झा हुन् ।

काठमाडौं महानगरपालिका २८ को ग्रीन लिफ प्रालिलाई कालोसूचीमा राख्न बीपी कोइराला स्वास्थ्य विज्ञान प्रतिष्ठान धरान सुनसरीले सिफारिस गरेको थियो । ग्रीन लिफ  प्रालिका मुख्य व्यक्ति लुना खरेल हुन् । 

निर्माण व्यवसायी तथा आपूर्तिकर्ताहरूले कालोसूचीमा राखिएको अवधिभर सार्वजनिक निकायको कुनै पनि खरिद कारबाहीमा भाग लिन नसक्ने समेत जनाइएको छ ।