विहीबार, २१ जेठ २०८३
ताजा समाचार
यातायात कार्यालय जनकपुरधामले एक वर्षमा संकलन गर्यो करिब ६७ करोड राजस्व
आजको अर्थ संवाददाता
शनिबार, १० साउन २०८२, १६ : ४६
काठमाडौं- यातायात व्यवस्था कार्यालय जनकपुरधामले आर्थिक वर्ष २०८१र८२ मा रू ६६ करोड ६९ लाख ४३ हजार नौ सय ८० राजस्व संकलन गरेको छ ।
कार्यालयले गत आवमा चालक अनुमतिपत्र वितरण, नवीकरण र त्यसको जरिवाना, नयाँ सवारीसाधनको दर्ता, सवारी साधन नवीकरण तथा रुट परमिट, नामसारी र पटकेलगायतका विभिन्न शीर्षकबाट राजस्व संकलन गरेको हो ।
कार्यालय प्रमुख धनञ्जयकुमार सिंहले विद्युत् समस्या समाधानका लागि सोलार जडान गरेकाले सेवाप्रवाहमा सुधार आएको बताए ।
उक्त अवधिमा सरकारी, सार्वजनिक र भाडाका साथै निजीतर्फका ठूला, मझौला तथा साना सवारी गरी आठ हजार ५७ सवारी साधनको दर्ता, नवीकरण तथा नामसारी गरिएको छ । -रासस
शनिबार, १० साउन २०८२, १६ : ४६
प्रतिक्रिया